Genesis 2:9 - Manobo Sarangani

⁹ Impetilles te Timanem se medita kemolò te kayo kidoen. Mèpiya iyan tengtengen, aw mèpiya heman se pongo niyan. Dowa se kayo intanem din diyà te tengà-tengà te kekeyowan, aw yan se kayo egpemegay te pedowan wedad temanan aw kayo egpemegay te kebiyasa tepad te mèpiya aw medaet.

Genesis 2:9 ပူးပေါင်းရင်းမြစ်များ

Genesis 3:22

Nayan, minikagi se Timanem, “Neinang den se otaw iling kenitadon, so netegahan den dan aw eden se mèpiya aw eden se medaet. Eked den kepakay aw mengabat dan te pongo lekat te kayo mekebegay te pedowan wedad temanan, so aw komaen dan kenyan, eked dan palos kematay te wedad temanan.”

Impekità 22:14

Ontò meluba se kedita te otaw neonawan lekat te salà dan, so yan se otaw mepakay komaen te pongo te kayo iningedanan Kayo Mekebegay te Kaling Pedowan, aw mepakay heman aw mawop dan te lelebangan pesalo doton te lonsod.

Impekità 2:7

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita te otaw eked dàgi te kededàtan, yan se pekànen ko te pongo te kayo te kaling pedowan wedad temanan intanem kidoen te langit eg-ogpaan te Timanem.’”

Impekità 22:2

Eg-okit se wayeg diyà te tengà-tengà te kersada te lonsod sìyan. Kidoen te kilid te wayeg, doen menge kayo intanem iningedanan Kayo Mekebegay te Kaling Pedowan. Egpongo iyan te mekesempolò teg dowa te kelikit te omay, so egpongo te kelikit te bolan. Se dawen heman niyan, yan se mekebolong te kedita te otaw.

Genesis 3:3

Meneng minikagi se Timanem te keilangan eked kay kaen te pongo te kayo doton te tengà-tengà te kekeyowan, aw keilangan eked kay pemaed kenyan, so matay kay.”

Genesis 2:17

meneng ikà egpengaen te pongo te kayo egpemegay te kebiyasa tepad te mèpiya aw medaet. So aw komaen ka kenyan, ontò ka matay te aldaw sìyan.”

Juan 6:48

Siaken se kànen egpemegay te kaling pedowan wedad temanan.

1 Korinto 8:1

Nayan, tomaba a te insà niyo tepad te pegkaen niyo te pengelapen imbegay diyà te inotaw egseligan te otaw kenà egsalig te Timanem. Ontò benal se inikagi niyo te netegahan te kedita tadon se kebenalan tepad te pegkaen te pengelapen imbegay diyà te inotaw. Meneng ikà niyo egkelibel kani. Aw meg-aneng-aneng kaw te netegahan niyo se kedita, yan se kelekatan te pegduyun niyo te kenyo pegkeotawun, meneng medaet iyan. Meneng aw megpedekelay kaw te pedowan, yan se kelekatan te pegpetebangay niyo tepad te pegtaking niyo te Pengolo tadon.

Genesis 3:24

Penga te pegkesayo te otaw lekat te Eden, insogò te Timanem se iling te anghil iningedanan kirobim lenged te eglibtakan te kekeyowan, aw insawol din se sondang eglegdeg aw gayed egkebiling, amon wedad otaw mekepedapag diyà te kayo egpemegay te pedowan wedad temanan.

Genesis 3:5

Minikagi se Timanem kenyan so netegahan din aw komaen kaw kenyan, megkebiyasa kaw, aw meinang kaw iling kandin, so metaga-taga kaw heman aw eden se mèpiya aw eden se medaet.”