Genesis 2:17 - Manobo Sarangani

¹⁷ meneng ikà egpengaen te pongo te kayo egpemegay te kebiyasa tepad te mèpiya aw medaet. So aw komaen ka kenyan, ontò ka matay te aldaw sìyan.”

Genesis 2:17 ပူးပေါင်းရင်းမြစ်များ

Genesis 2:9

Impetilles te Timanem se medita kemolò te kayo kidoen. Mèpiya iyan tengtengen, aw mèpiya heman se pongo niyan. Dowa se kayo intanem din diyà te tengà-tengà te kekeyowan, aw yan se kayo egpemegay te pedowan wedad temanan aw kayo egpemegay te kebiyasa tepad te mèpiya aw medaet.

Genesis 20:7

Nayan, olii se bayi diyà te esawa din. Si Abraham se telekeliwat te kagi ko, aw megtawal-tawal sikandin tepad kamno amon eked ka kematay. Meneng aw eked no sikandin olii, metoman ka matay sipat te kedita te sakop nikaw.”

Genesis 3:11

Mig-insà se Timanem, “Sinu lay se mig-indan kamno te migpetabeg-tabeg ka? Kimaen ka lay te pongo te kayo impunù ko kamno?”

Genesis 3:17

Minikagi se Timanem diyà te meama, “Nenenalan ka diyà te esawa nikaw, aw kimaen ka te pongo te kayo impunù ko kamno. Tandà te salà no sìyan, inangen ko heman medaet se tanà. Keilangan gayed ka megterbaho taman te pegkematay nikaw, amon botong se kànen nikaw.

Genesis 3:19

Keilangan gayed ka megterbaho lamig peg-etingan ka amon doen tomilles kidoen te tanà lamig molì ka doton te tanà, so yan se linekatan nikaw. Ininang ka lekat te tanà, aw todà ka heman meinang tanà.”

Roma 1:32

Pengkey netegahan dan te migpunù se Timanem te keilangan imetayan se kedita te otaw eg-inang te medaet iling kenyan, meneng kunù eg-inang dan pa gayed te medaet. Labi pa medaet se ininang dan, so induyun dan heman se doma otaw eg-inang te medaet iling kenyan.

Roma 6:16

Netegahan niyo den, aw megpeallang kaw diyà te doma otaw, keilangan tomolò kaw kandin. Iling heman kenyan, aw meallang se otaw diyà te salà, detengan sikandin te kemetayun wedad temanan. Meneng aw tomolò se otaw te Timanem, eneng-enengen te Timanem te metòlid sikandin.

Roma 6:23

Detengan te kemetayun wedad temanan se otaw eg-inang te salà. Meneng se ibowang te Timanem, yan se kaling pedowan wedad temanan pineokit te pegpemenal tadon te Pengolo tadon si Jesu Cristo.

Roma 8:2

So pegsebad ko diyà ki Jesu Cristo, doen kaling pedowan imbegay te Espiritu Santo kanak, aw yan se doun te wedad den keilangan meg-inang a te salà, aw eked a den heman detengi te pelumun.

1 Korinto 15:22

Pengkey egkematay se kedita tadon menge bowad-bowad i Adam, meneng entayen se kedita tadon menge otaw migsebad ki Cristo.

1 Korinto 15:56

Egdetengan kidon te kemetayun so nekesalà kidon. Nekesalà kidon so wedà kidon peketolò te punù te Timanem.

Galasya 3:10

Meneng se kedita te otaw meibeg eneng-enengen te Timanem te metòlid dan pineokit te pegtolò dan te punù ingkeliwat i Moises, yan se ipelumun te Timanem. So doen kagi te Timanem insolat, “Ipelumun te Timanem se kedita te otaw kenà ontò egtolò te kedita te punù insolat i Moises.”

Efeso 5:14

Aw doen manyag, keenyagan se kedita. Yan se doun te doen eg-ikegiyen seini. “Aw timedogi ka pa, keloka ka den. Aw nematay ka pa, keantay ka den lekat te nematay, So keenyagan kaw den i Cristo.”

Kolasas 2:13

Kedengan, iling te nematay kaw, so nelegeb kaw te salà aw egtaking kaw te medaet ibeg te pedowan niyo. Meneng songkani binegayan kaw din heman te kaling pedowan iling ki Cristo, so pigwedad den te Timanem se kedita te salà ininang tadon.

1 Timoteo 5:6

Meneng se bayi balo gayed egkeibeg te keluba te otaw dini te keneyonan, yan se iling te nematay den pengkey wedà pa kematay.

Santiago 1:15

Aw tomolò se otaw te medaet ibeg te pedowan din, yan mekeinang te salà. Aw gayed meg-inang se otaw te salà, yan se detengan te pelumun aw kemetayun wedad temanan.

1 Juan 5:16

Aw megkità kaw te doma niyo egpemenal meg-inang te salà kenà egdateng te kemetayun wedad temanan, megtawal-tawal kaw kandin amon memegay se Timanem kandin te kaling pedowan aw eked dateng te kemetayun se salà din. Doen salà ipelumun te kemetayun wedad temanan, meneng eked a ikagi te keilangan megtawal-tawal kaw tepad kenyan.

Impekità 2:11

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita te otaw eked dàgi te kededàtan, yan se eked detengi te pelumun, sìyan ikedowa pegkematay.’”

Impekità 20:14

Penga niyan, in-agbel doton te lanaw apoy se kemetayun aw ogpeanan te otaw nematay, aw yan se temanan niyan. Se lanaw apoy, yan se iningedanan Ikedowa Kemetayun.

Impekità 20:6

Meluba aw egpenimanem heman se kedita te otaw entayen te Timanem te tagnà peg-antay din. Yan se otaw eked pesipati diyà te medaet otaw ipelumun te ikedowa pegkematay. Inangen dan menge sogounun i Cristo aw Timanem. Lomowan dan doma i Cristo dalem te sebad melalan se omay.

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”