Genesis 19:5 - Manobo Sarangani

⁵ Timawal dan diyà ki Lot, kagi dan, “Kenan lay se didowa meama dimateng gina dini kamno te meapon? Pelowai dan diyà kenami amon lomayok kay diyà kandan.”

Genesis 19:5 ပူးပေါင်းရင်းမြစ်များ

Judas 1:7

Eneng-enengi niyo heman tepad te menge tege Sodoma aw tege Gomora aw menge doma otaw mig-ogpà doton te menge lonsod medapag kidoen. Medaet heman se ininang dan, so migkapoy dan. Kenà olò bayi se lineyokan dan meneng limayok dan heman te doma dan meama. Ipelumun dan te Timanem te apoy eked palos kepadeng amon melemitan kidon meg-iling kandan.

1 Timoteo 1:10

Doen punù amon segdahen se otaw eglayok te kenà kandan esawa, aw bayot, aw otaw eg-agaw te doma otaw, aw bolelawun, aw otaw egkebolalaw te pegsistigos dan, aw pengkey eden se medaet inangen te otaw kenà egtaking te kebenalan ipegtoladà tadon.

1 Korinto 6:9

Nelibelan niyo besi te eked pekeakop diyà te peglowan te Timanem se otaw gayed eg-inang te medaet. Ontò niyo eneng-enengi se kebenalan seini. Eked pekeakop diyà te peglowan te Timanem se kedita te otaw eglayok te kenà kandan esawa, aw egsimba te kenà benal timanem, aw eglakad, aw bayot, aw egpenolis, aw otaw egpengewarta, aw eglasing, aw egbaet-baet, aw egpenakaw.

2 Timoteo 3:13

Meneng se menge otaw eg-inang te medaet aw egpelingo-lingo te egpemenal dan, yan se otaw gayed meg-inang te labi pa medaet. Meg-akal dan te doma otaw, aw ekalan dan heman te doma otaw.

2 Pedro 2:2

Medita se otaw egpemenal meboyo meg-inang te medaet iling kandan, aw yan se doun te silahen heman se kebenalan egtekingan tadon.

2 Pedro 2:7

Meneng si Lot olò se impelowà din, so metòlid se eg-inangen din. Ontò nepuluk se pedowan din so wedad yàyà te menge otaw kidoen mig-inang te medaet.

Genesis 19:6

Limowà si Lot te balay din aw tinakep din se lelebangan.