Genesis 19:3 - Manobo Sarangani

³ Meneng gayed dan pig-ibing i Lot lamig timaking dan kandin doton te balay din. Impeinang i Lot se pan aw menge doma mèpiya kànen, aw kimaen dan.

Genesis 19:3 ပူးပေါင်းရင်းမြစ်များ

Menge Hebreo 13:2

Ikà niyo egkelibel te keilangan megsagman kaw te otaw mepanaw, pengkey wedà niyo kilelai. Liyag kaw kandan, so doen migsagman te otaw minapit doton kandan, meneng wedà dan ketaga-taga te menge anghil se minapit doton kandan.

1 Korinto 5:8

Yan se doun te mèpiya aw megpesiontong kidon diyà te Timanem tandà te peglengà tadon te peg-inang te medaet, so yan se iling te yist mekeketin kenyo. Meneng keilangan lobosen tadon se pedowan te pegtaking tadon te kebenalan, so yan se iling te pan wedad yist.

2 Korinto 5:14

Tandà te kedakel te pedowan i Cristo kanak, neantag heman se pedowan ko. Netegahan ko den ini, te pegkematay i Cristo, iling te nematay se kedita te otaw, so nematay sikandin inselilin te kedita te otaw, amon eked kidon taking te kenitadon ibeg. Nematay amon tekingan tadon se kandin ibeg, so nematay aw neantay heman sikandin amon megtabang kenitadon.

Juan 12:2

Pegdateng din doton, mig-inang dan te kànen te pegsagman dan ki Jesus. Pegpengaen dan, migtelaban si Marta miglamak, aw si Lazaro se sebad diyà te menge otaw kimaen doma ki Jesus.

Luc. 14:23

Minikagi heman se amo din, ‘Doton ka heman te ogpeanan mediyò te lonsod, aw ontò ka ikagi diyà te otaw amon tomanod dan, so ibeg ko mepenò se balay ko te otaw ipekaen ko.

Luc. 11:8

Nayan, eneng-enengi niyo ini. Pengkey eked peden sikandin enaw amon megtabang kandin so sigalak din, meneng aw eked lengà se otaw memoyò, yan se doun te keilangan menaw sikandin amon memegay kandin te pengkey eden se kepulukan din.

Luc. 5:29

Wedà kenamay, mig-inang si Levi te dakel kànen kidoen te balay din te pegsagman din ki Jesus. Medita heman se iskribinti aw doma otaw kimaen doma dan.

Genesis 21:8

Timilles si Isaac, aw biningà sikandin. Dakel se kànen ininang i Abraham te aldaw te pegbingà kandin.

Genesis 19:2

aw minikagi sikandin, “Sir, apit kaw den doton te balay ko. Peonawi niyo se benis niyo, aw idegà kaw dini, aw yan mekedeleg kaw kealdaw te iselem.” Meneng minikagi dan, “Eked kay, so midegà kay dini te plasa.”

Genesis 24:31

Minikagi si Laban, “Mèpiya se imbegay te Timanem diyà kamno. Taking ka den kanak doton te balay ko. Ikà eg-ogpà dini, so doen tambì impetagad ko den kamno, aw doen heman kelokob te menge kamilo nikaw.”

Genesis 26:30

Impeinang i Isaac se dakel kànen, aw kimaen dan aw mininem dan.