Genesis 19:29 - Manobo Sarangani

²⁹ Meneng pegbaet te Timanem te menge lonsod kidoen te baog sìyan inogpaan i Lot, mig-aneng-aneng se Timanem tepad ki Abraham, aw yan impelowà din si Lot amon eked sikandin kegelà sipat te menge doma otaw.

Genesis 19:29 ပူးပေါင်းရင်းမြစ်များ

Genesis 8:1

Wedà kelibeli te Timanem si Noe aw kedita te menenanap aw ayam-ayam doma kandin simakay te arka. Impekedog te Timanem se kelamag, aw migtebò den se wayeg minuyud.

2 Pedro 2:7

Meneng si Lot olò se impelowà din, so metòlid se eg-inangen din. Ontò nepuluk se pedowan din so wedad yàyà te menge otaw kidoen mig-inang te medaet.

Genesis 30:22

Wedà kelibeli te Timanem si Raquel, so nenenalan se Timanem te pinemoyò din, aw impebatà din sikandin.

Genesis 12:2

Medita se bowad-bowad ibegay ko diyà kamno, aw meinang dan dakel pongan. Mèpiya se ibegay ko diyà kamno, aw inangen ko medengeg se ngadan nikaw. Mèpiya heman se ibegay ko diyà te menge doma otaw pineokit kamno.

Genesis 11:27

Seini se ngadan te menge bowad-bowad i Tera. Si Tera se amay i Abram, si Nahor, aw si Haran. Si Haran se amay i Lot.