Genesis 19:12 - Manobo Sarangani

¹² Minikagi se didowa anghil diyà ki Lot, “Aw doen menge kedomaan no dini, menge batà nikaw, ogangan nikaw, aw menge doma sakop nikaw mig-ogpà dini te lonsod seini, petekingi dan, aw kesayo kaw den,

Genesis 19:12 ပူးပေါင်းရင်းမြစ်များ

Genesis 7:1

Nayan, minikagi se Timanem diyà ki Noe, “Awop ka diyà te arka sipat te kedita diyà te pamilya nikaw, so diyà te kedita te otaw dini lanto te tanà, olò sikona se kinità ko eg-inang te metòlid.

Impekità 18:4

Penga niyan, doen doma dinineg ko minikagi kidoen te langit, “Kedita niyo migpesakop diyà kanak, kesayo kaw lekat te ogpeanan sìyan. Eked a keibeg aw makop kaw diyà te salà te bayi sìyan, amon eked kaw heman detengi te kededàtan domateng kandin.

2 Pedro 2:7

Meneng si Lot olò se impelowà din, so metòlid se eg-inangen din. Ontò nepuluk se pedowan din so wedad yàyà te menge otaw kidoen mig-inang te medaet.

2 Pedro 2:9

Pineokit kenyan, netegahan tadon te biyasa se Timanem megtabang te otaw egpenimanem amon eked dan peg-inang te salà. Biyasa heman sikandin domaeg te otaw eg-inang te medaet, aw ipetagad din dan lamig te aldaw te pegpelumun din kandan.

Genesis 19:17

Penga niyan, minikagi se anghil, “Kadas kaw den. Ikà niyo eglengag. Ikà niyo egsagked dini te baog. Meneng kadas kaw den doton te menge bontod amon eked kaw kegelà.”

Genesis 19:22

Meneng kegaen kaw den kadas, so wedad meinang ko singed aw domateng kaw doton.” Iningedanan se lonsod sìyan Soar (kelebadan niyan, deitek), so minikagi si Lot te deitek iyan.

Genesis 19:14

Yan nesayo si Lot aw dimoton sikandin te salà te dowa batà din bayi, aw minikagi sikandin, “Ayas kaw den kesayo lekat dini, so pegbàtan den te Timanem se lonsod seini.” Meneng eden dan aw kebawol din iyan.

Genesis 19:11

Penga niyan, pineokit te tolos dan, ininang dan bota se kedita te otaw medapag te lelebangan, amon eked dan kità te lelebangan.

Genesis 19:13

so pegbàtan day den se lonsod seini. Dinineg te Timanem se insila kandan tepad te medaet eg-inangen dan, aw yan insogò kay din dini amon megbaet kay te kedita.”