Genesis 19:1 - Manobo Sarangani

¹ Sìyan didowa memanit nekeonà, yan se anghil. Pegkemeapon, dimateng dan doton te Sodoma. Kidoen si Lot nenenoo medapag te lelebangan diyà te melangkaw kotà nekelibed te lonsod sìyan. Pegkità din kandan, timindeg sikandin aw simongon kandan. Limongken sikandin lamig minapet se olo din diyà te tanà,

Genesis 19:1 ပူးပေါင်းရင်းမြစ်များ

Genesis 18:22

Penga niyan, nesayo se didowa otaw migpesalo doton te Sodoma, meneng mig-ogpà pa se Pengolo aw si Abraham kidoen.

Menge Hebreo 13:2

Ikà niyo egkelibel te keilangan megsagman kaw te otaw mepanaw, pengkey wedà niyo kilelai. Liyag kaw kandan, so doen migsagman te otaw minapit doton kandan, meneng wedà dan ketaga-taga te menge anghil se minapit doton kandan.

Luc. 17:28

Wedà heman peketagad se otaw gebii dalem te peg-ogpà i Lot doton te Sodoma. Gayed dan heman egpengaen, aw eg-inem dan, aw egbayad dan, aw egpemeligyà dan, aw egpenanem dan, aw eg-inang dan te balay.

Genesis 11:27

Seini se ngadan te menge bowad-bowad i Tera. Si Tera se amay i Abram, si Nahor, aw si Haran. Si Haran se amay i Lot.

Genesis 18:16

Pegkesayo te telo memanit lekat kidoen, dimoton dan te pemebongan aw migpeatap-atap dan doton te lonsod te Sodoma. Timaking si Abraham kandan amon megtedò kandan te dalan.

Genesis 19:2

aw minikagi sikandin, “Sir, apit kaw den doton te balay ko. Peonawi niyo se benis niyo, aw idegà kaw dini, aw yan mekedeleg kaw kealdaw te iselem.” Meneng minikagi dan, “Eked kay, so midegà kay dini te plasa.”

Genesis 19:10

Meneng inowang te didowa anghil se tetakep, aw ginakgak dan si Lot doton didalem te balay, aw tinakep dan se lelebangan.

Genesis 13:12

Mig-ogpà pa si Abram doton te Canaan, meneng minalin si Lot doton te menge lonsod kidoen medapag te wayeg te Jordan, aw mig-ogpà sikandin medapag te lonsod te Sodoma.

Genesis 23:12

Todà limongken si Abraham diyà te menge otaw kidoen,

Genesis 48:12

Penga niyan, inabat i Jose se batà din lekat te giba te amay din, aw limongken sikandin diyà te amay din lamig minapet se olo din diyà te tanà.