Genesis 18:9 - Manobo Sarangani

⁹ Mig-insà dan diyà kandin, “Kenan lay se esawa nikaw si Sara?” Timaba si Abraham, “Doton didalem.”

Genesis 18:9 ပူးပေါင်းရင်းမြစ်များ

Tito 2:5

Megtoladà dan heman te menge kaling bayi te keilangan megpetikbel dan, aw megpelobos te pedowan dan diyà te esawa dan. Keilangan megpekeaseb dan megterbaho. Keilangan tomolò dan te esawa dan. Aw iling kenyan se eg-inangen dan, wedad otaw mekesila te kagi te Timanem ipegtoladà tadon.

Genesis 24:67

Inibing i Isaac si Rebecca doton didalem te tolda tapay inogpaan te inay din si Sara. Pinengognan din si Rebecca, aw ontò dakel se pedowan i Isaac diyà kandin. Yan nesinalay si Isaac tepad te pegkematay te inay din.

Genesis 31:33

Penga niyan, nengemahà si Laban doton te tolda inogpaan i Jacob, aw tolda inogpaan i Lea, aw tolda te didowa allang bayi, meneng wedad palos kinità din kidoen. Penga niyan, minawop sikandin diyà te tolda inogpaan i Raquel.

Genesis 4:9

Mig-insà se Timanem diyà ki Cain, “Kenan lay se kedowa no si Abel?” Timaba sikandin, “Inday. Kenà a teletonggò te kedowa ko.”

Menge Hebreo 11:9

Pegdateng din doton te tanà impakang te Timanem kandin, simalig sikandin diyà te Timanem, so migpeliman sikandin te aldaw te pegbegay te Timanem kandin te tanà sìyan. Mig-ogpà dan diyà te balay inetepan te penenaktun. Iling heman kenyan se ininang te batà din si Isaac, aw apò din si Jacob, so migpeliman dan heman te aldaw te pegketoman te pakang te Timanem.

Genesis 3:9

Meneng timawal se Timanem diyà te meama, “Kenan ka lay?”

Genesis 18:8

Pegtegilan dan te kedita, inibing i Abraham se kisiyo, aw gatas, aw pengelapen tinoeg, aw imbayaw din iyan diyà kandan. Dalem te pegpengaen dan, timindeg sikandin medapag doton te siyong te kayo.

Genesis 18:10

Minikagi se sebad, “Doen inangen ko metolos te modi omay, so doen batà meama tomebaw diyà te esawa no si Sara.” Nayan, kidoen si Sara te lelebangan lenged te getan din, aw dinineg din se inikagi dan.