Genesis 18:8 - Manobo Sarangani

⁸ Pegtegilan dan te kedita, inibing i Abraham se kisiyo, aw gatas, aw pengelapen tinoeg, aw imbayaw din iyan diyà kandan. Dalem te pegpengaen dan, timindeg sikandin medapag doton te siyong te kayo.

Genesis 18:8 ပူးပေါင်းရင်းမြစ်များ

Genesis 19:3

Meneng gayed dan pig-ibing i Lot lamig timaking dan kandin doton te balay din. Impeinang i Lot se pan aw menge doma mèpiya kànen, aw kimaen dan.

Impekità 3:20

Na, dini a den te kenyo lelebangan aw egtawal a diyà kenyo. Aw domineg kaw kanak aw meg-owang kaw kanak te tetakep, yan mawop a, aw komaen a doma kenyo, aw megpesigelakay kidon.

Galasya 5:13

Menge kedowa ko, tinawal kaw te Timanem amon ipelowà kaw din lekat te pegtolò niyo te punù sìyan. Pengkey wedà kaw den keallang kenyan, meneng ikà niyo den eg-aneng-aneng te mepakay aw tomaking kaw te medaet ibeg te pedowan niyo. Meneng pedekelay kaw te pedowan, aw petebangay kaw.

Ininang 10:41

Wedà sikandin kitai te kedita te otaw, meneng sikami pinemallì te Timanem se kimità kandin, aw kimaen kay doma kandin penga te pegkeantay din lekat te nematay.

Juan 12:2

Pegdateng din doton, mig-inang dan te kànen te pegsagman dan ki Jesus. Pegpengaen dan, migtelaban si Marta miglamak, aw si Lazaro se sebad diyà te menge otaw kimaen doma ki Jesus.

Luc. 24:43

Kininawà din iyan aw kinaen din dalem te timengteng dan kandin.

Luc. 24:30

Peg-iyambong dan, inabat din se pan, aw migpesiontong sikandin diyà te Timanem, aw binelà-belà din, aw imbegay din diyà kandan.

Luc. 17:8

Meneng onà megpunù se amo te keilangan meg-inang se sineligan te kànen aw meglamak kenyan. Penga te pegkaen te amo, yan mepakay aw komaen se sineligan.

Luc. 12:37

Aw domateng se amo dan, ontò dan meluba aw wedà dan tedogi aw neketagad dan. Eneng-enengi niyo se kagi ko seini. Mèpiya se inangen din diyà kandan. Meg-ekas se amo dan, aw sikandin se megpepenenoo kandan kidoen te lemisa aw megpekaen kandan.

Genesis 18:7

Penga niyan, kimagnan si Abraham doton te menge ayam-ayam din, aw pinemallì din se ontò mèpiya nati te baka. Imbegay din iyan diyà te sebad sineligan din amon iyawen din iyan aw ilegaen te eked kenamay.

Genesis 18:9

Mig-insà dan diyà kandin, “Kenan lay se esawa nikaw si Sara?” Timaba si Abraham, “Doton didalem.”