Genesis 18:6 - Manobo Sarangani

⁶ Ayas minawop si Abraham aw minikagi sikandin diyà ki Sara, “Kegaen ka. Gemiti se sebad sako ontò mèpiya arina, aw inangi se pan ipekaen kandan.”

Genesis 18:6 ပူးပေါင်းရင်းမြစ်များ

Genesis 18:5

Ipekaen ko heman sikiyo amon todà kaw megkagsen te eked kaw pa deleg. Neluba se pedowan ko so dimini kaw, aw meibeg a megtabang kenyo.” Minikagi dan, “Mepakay iyan diyà kenami.”

Genesis 18:7

Penga niyan, kimagnan si Abraham doton te menge ayam-ayam din, aw pinemallì din se ontò mèpiya nati te baka. Imbegay din iyan diyà te sebad sineligan din amon iyawen din iyan aw ilegaen te eked kenamay.

Genesis 19:3

Meneng gayed dan pig-ibing i Lot lamig timaking dan kandin doton te balay din. Impeinang i Lot se pan aw menge doma mèpiya kànen, aw kimaen dan.

Mat. 13:33

Migtoladà si Jesus te doma tegdeyanan, kagi din, “Iling heman kani se peglowan te Timanem. Aw isanged se yist diyà te dakel arina, lomebag se kedakel niyan.”

Ininang 16:15

Binonyagan sikandin sipat kedita te otaw mig-ogpà diyà kandin. Penga niyan, minikagi sikandin, “Aw nemenal kaw te nelobos se pedowan ko diyà te Pengolo, peg-ogpà kaw den doton te balay ko.” Ontò migpeido-ido si Lydia aw yan timandù kay.

Roma 12:13

Pegtabang kaw te menge doma sakop te Timanem nelimahan. Pegsagman kaw heman te menge otaw mepanaw.

Galasya 5:13

Menge kedowa ko, tinawal kaw te Timanem amon ipelowà kaw din lekat te pegtolò niyo te punù sìyan. Pengkey wedà kaw den keallang kenyan, meneng ikà niyo den eg-aneng-aneng te mepakay aw tomaking kaw te medaet ibeg te pedowan niyo. Meneng pedekelay kaw te pedowan, aw petebangay kaw.

Menge Hebreo 13:2

Ikà niyo egkelibel te keilangan megsagman kaw te otaw mepanaw, pengkey wedà niyo kilelai. Liyag kaw kandan, so doen migsagman te otaw minapit doton kandan, meneng wedà dan ketaga-taga te menge anghil se minapit doton kandan.

1 Pedro 4:9

Aw doen otaw egpemenal te Timanem lomaoy doton kenyo, pegsagman kaw kandan. Ikà niyo egbelisì tepad kenyan.