Genesis 18:23 - Manobo Sarangani

²³ Migpedapag si Abraham diyà te Pengolo, aw mig-insà sikandin, “Aw igelaen no se menge medaet otaw, ipesipat no lay heman se menge mèpiya otaw?

Genesis 18:23 ပူးပေါင်းရင်းမြစ်များ

Genesis 18:24

Simpana aw keliman se mèpiya otaw eg-ogpà doton te lonsod sida, tigkan no lay pegbàtan se lonsod? Eked no lay iyan keidowi tandà te keliman mèpiya otaw?

Genesis 18:25

Aneng-aneng ko eked no imetayi se menge mèpiya otaw sipat te menge medaet otaw. Eked kepakay aw yan se inangen nikaw. Aw ipelumun no se medaet otaw, eked no pesipati se mèpiya otaw, so sikona se eg-okom te kedita te otaw, aw keilangan metòlid se inangen nikaw.”

Genesis 20:4

Meneng so wedà pa pegpedapag si Abimelec diyà ki Sara, minikagi sikandin diyà te Timanem, “Wedad palos salà ko diyà kandin. Eked kepakay aw imetayan a no sipat te menge sakop ko.

Menge Hebreo 10:22

Keilangan megpedapag kidon den diyà te Timanem te doen pegkelobos te pedowan tadon somalig diyà kandin. Melinis den se pedowan tadon aw aneng-aneng tadon so iling te winilikan kidon te dipanog aw lininisan kidon te wayeg.

Santiago 5:16

Aw doen salà ininang niyo diyà te doma otaw, keilangan meg-indan kaw kandin amon pegwedaden din. Pegtawal-tawal kaw heman tepad te menge doma niyo amon kegolian dan, so ontò dakel se mebatog te pegtawal-tawal te otaw eneng-enengen te Timanem te metòlid.

Santiago 5:17

Eneng-enengi niyo si Elias gebii. Pengkey onawa se kandin pegkeotawun diyà kenitadon, meneng migtawal-tawal sikandin diyà te Timanem aw nemoyò te eked odan. Yan se doun te wedad palos odan lamig te telo se omay aw enem se bolan.