Genesis 18:2 - Manobo Sarangani

² Pegtengteng din kidoen te lowà, kinità din se telo otaw timindeg medapag kidoen. Pegkità din kandan, ayas sikandin simongon kandan. Limongken sikandin lamig minapet se olo din diyà te tanà amon megsagman kandan.

Genesis 18:2 ပူးပေါင်းရင်းမြစ်များ

Genesis 17:3

Limongken si Abram lamig minapet se olo din diyà te tanà, aw minikagi heman se Timanem,

Genesis 18:16

Pegkesayo te telo memanit lekat kidoen, dimoton dan te pemebongan aw migpeatap-atap dan doton te lonsod te Sodoma. Timaking si Abraham kandan amon megtedò kandan te dalan.

Genesis 18:22

Penga niyan, nesayo se didowa otaw migpesalo doton te Sodoma, meneng mig-ogpà pa se Pengolo aw si Abraham kidoen.

Genesis 18:3

Minikagi sikandin, “Sir, apit kaw den dini kanak. Ikà niyo eglaklak.

Genesis 19:1

Sìyan didowa memanit nekeonà, yan se anghil. Pegkemeapon, dimateng dan doton te Sodoma. Kidoen si Lot nenenoo medapag te lelebangan diyà te melangkaw kotà nekelibed te lonsod sìyan. Pegkità din kandan, timindeg sikandin aw simongon kandan. Limongken sikandin lamig minapet se olo din diyà te tanà,

Genesis 23:12

Todà limongken si Abraham diyà te menge otaw kidoen,

Genesis 23:7

Penga niyan, limongken si Abraham diyà kandan,

Genesis 24:63

Pegkemeapon, dimoton sikandin te pawà din amon megtawal-tawal sikandin, aw kinità din te doen menge otaw dimateng diyà kandin simakay te menge kamilo.

Genesis 32:24

Olò si Jacob se wedà batas. Penga niyan, doen migpekità diyà ki Jacob aw migpeliyangay dan lamig te iselem.

Genesis 42:6

Si Jose se gobirnador kidoen te Ehipto, aw sikandin se nemeligyà te kànen diyà te kedita te otaw lekat te menge doma ogpeanan. Yan pegdateng te menge kedowa i Jose doton te Ehipto, dimoton dan kandin aw limongken dan lamig minapet se olo dan diyà te tanà.

Genesis 43:26

Peg-olì i Jose, imbegay dan kandin se bowang inibing dan, aw limongken dan lamig minapet se olo dan diyà te tanà.

Genesis 43:28

Timaba dan, “Sir, wedà pa kematay se amay day, meneng mèpiya pa se pegkesawol din.” Penga niyan, limongken dan aw migsagman dan kandin.

Genesis 44:14

Pegdateng i Juda aw menge kedowa din doton te balay i Jose, kidoen pa sikandin. Tigkan dan limongken taman te tanà.

Genesis 48:12

Penga niyan, inabat i Jose se batà din lekat te giba te amay din, aw limongken sikandin diyà te amay din lamig minapet se olo din diyà te tanà.

Roma 12:13

Pegtabang kaw te menge doma sakop te Timanem nelimahan. Pegsagman kaw heman te menge otaw mepanaw.

Menge Hebreo 13:2

Ikà niyo egkelibel te keilangan megsagman kaw te otaw mepanaw, pengkey wedà niyo kilelai. Liyag kaw kandan, so doen migsagman te otaw minapit doton kandan, meneng wedà dan ketaga-taga te menge anghil se minapit doton kandan.

1 Pedro 4:9

Aw doen otaw egpemenal te Timanem lomaoy doton kenyo, pegsagman kaw kandan. Ikà niyo egbelisì tepad kenyan.