Genesis 18:19 - Manobo Sarangani

¹⁹ Pinemallì ko sikandin amon megtoladà sikandin te menge batà din aw menge bowad-bowad din te keilangan tomolò dan kanak, aw keilangan meg-inang dan te metòlid. Aw yan se inangen dan, tomanen ko se kedita te impakang ko diyà kandin.”

Genesis 18:19 ပူးပေါင်းရင်းမြစ်များ

2 Timoteo 3:15

aw netegahan no te lekat te pegkebatà nikaw tinoledaan ka te kagi te Timanem insolat. Aw yan se peg-ilingan tadon, metaga-taga kidon tepad te pegpelowà te otaw lekat te salà pineokit te pegsalig diyà ki Jesu Cristo.

Efeso 6:4

Sikiyo menge amay aw inay, ikà niyo egpeopal te menge batà niyo. Meneng keilangan megpunù kaw kandan aw megtoladà kaw kandan iling te eg-inangen te Pengolo tadon.

2 Timoteo 2:19

Meneng eked ketodà se kebenalan impetoladà te Timanem, aw egketegahan iyan pineokit te kagi seini, “Netegahan te Pengolo se kedita te otaw egtaking kandin.” Doen heman doma kagi, “Keilangan eked pegpekesalà se kedita te otaw eg-ikagi te egtaking dan te Pengolo.”

1 Timoteo 3:12

Se otaw inangen opisyal te simbahan, keilangan sebad olò heman se esawa din aw kenà eglakad. Keilangan mèpiya se pegpengibing din te esawa din aw menge batà din.

2 Timoteo 1:5

Wedà ko kelibeli se kelobos te pegpemenal no, iling heman te pegpemenal te apò no si Loida aw inay no si Eunice kedengan. Netegahan ko te melobos den se pegpemenal no iling kandan.

Ininang 27:31

Meneng minikagi si Pablo diyà te menge sondalo aw serhinto, “Eked kidon apet doton te enay singed aw meg-ogpà dan dini kenitadon.”

Juan 10:14

Iling a te mèpiya telediyaga te karniro. Netegahan a te Amay ko aw netegahan ko heman sikandin. Iling heman kenyan se kedita te sakop ko, so netegahan ko dan, aw netegahan a dan heman. Mepakay diyà kanak aw imetayan a amon megpelowà a te otaw megpesakop diyà kanak.

Juan 21:17

Mig-insà si Jesus te iketelo, “Simon, batà i Juan, ontò lay dakel se pedowan no kanak?” Nelidò se pedowan i Pedro so mig-insà si Jesus kandin te iketelo aw ontò dakel se pedowan din kandin. Timaba sikandin, “Pengolo, netegahan no se kedita. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko egkedekelan ko te pedowan.

Genesis 12:2

Medita se bowad-bowad ibegay ko diyà kamno, aw meinang dan dakel pongan. Mèpiya se ibegay ko diyà kamno, aw inangen ko medengeg se ngadan nikaw. Mèpiya heman se ibegay ko diyà te menge doma otaw pineokit kamno.

Genesis 12:3

Mèpiya se ibegay ko diyà te kedita te otaw memegay kamno te mèpiya. Meneng ipelumun ko se kedita te otaw megtompuyus kamno. Pineokit kamno, mèpiya se ibegay ko diyà te kedita te otaw dini te keneyonan.”

Genesis 17:9

Minikagi se Timanem diyà ki Abraham, “Doen pengilala tepad te pakang ko keilangan inangen no sipat te kedita te bowad-bowad nikaw te modi aldaw.

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Genesis 35:2

Yan minikagi si Jacob diyà te pamilya din aw diyà te menge sakop din, “Pegbàti niyo den se kedita te inotaw niyo, sìyan egsimbahen te menge doma otaw wedà ketaga-taga te Timanem. Pemedigos kaw den aw peg-ekas kaw amon ipetaga-taga niyo te Timanem olò se toloen niyo.

Mat. 25:17

Iling heman kenyan se ininang te otaw binegayan din te dowa melalan, so doen gamad din dowa melalan.