Genesis 18:16 - Manobo Sarangani

¹⁶ Pegkesayo te telo memanit lekat kidoen, dimoton dan te pemebongan aw migpeatap-atap dan doton te lonsod te Sodoma. Timaking si Abraham kandan amon megtedò kandan te dalan.

Genesis 18:16 ပူးပေါင်းရင်းမြစ်များ

Ininang 21:5

Pegdateng te aldaw te pegkesayo day, tinekingan kay te kedita dan meama aw bayi aw mengisù. Pegdateng day doton te enay, limongken se kedita day aw migtawal-tawal kay diyà te Timanem. Penga niyan, migsoway kay den.

Ininang 20:38

Ontò dan nepuluk, so minikagi si Pablo te eked den palos likò doton kandan. Penga niyan, timaking dan kandin doton te dakel belangay sekayan day.

Ininang 15:3

Penga niyan, impekesayo dan te menge otaw egpemenal. Peg-okit dan te Fenisya aw Samarya, mig-indan dan te nemenal den se menge otaw kenà Judiyo. Pegdineg te kedita te otaw egpemenal kenyan, ontò dan neluba.

3 Juan 1:6

Mig-indan dan diyà te menge otaw egpemenal dini, te dakel se pedowan no kandan. Mèpiya aw gayed ka megtabang kandan amon domeleg dan megtoladà doton te doma ogpeanan, so yan se ibeg te Timanem inangen tadon.

Roma 15:24

ibeg ko, mapit a doton kenyo te pegpesalo ko doton te Espanya. Ontò a meluba aw mekeogpà a doton kenyo te eked kenamay, aw penga niyan, meketabang kaw kanak te pegdeleg ko doton te Espanya.

Genesis 18:2

Pegtengteng din kidoen te lowà, kinità din se telo otaw timindeg medapag kidoen. Pegkità din kandan, ayas sikandin simongon kandan. Limongken sikandin lamig minapet se olo din diyà te tanà amon megsagman kandan.

Genesis 18:15

Nelemitan si Sara, aw yan migkebolalaw sikandin aw minikagi, “Wedà a kebebayat.” Meneng minikagi se Pengolo, “Benal ka nebebayat.”

Genesis 18:22

Penga niyan, nesayo se didowa otaw migpesalo doton te Sodoma, meneng mig-ogpà pa se Pengolo aw si Abraham kidoen.

Genesis 19:1

Sìyan didowa memanit nekeonà, yan se anghil. Pegkemeapon, dimateng dan doton te Sodoma. Kidoen si Lot nenenoo medapag te lelebangan diyà te melangkaw kotà nekelibed te lonsod sìyan. Pegkità din kandan, timindeg sikandin aw simongon kandan. Limongken sikandin lamig minapet se olo din diyà te tanà,