Genesis 17:6 - Manobo Sarangani

⁶ Inangen ko medita se bowad-bowad nikaw, aw inangen ko dan medita pongan, aw doen heman kandan meinang menge selotan.

Genesis 17:6 ပူးပေါင်းရင်းမြစ်များ

Genesis 17:4

“Seini se ipakang ko diyà kamno. Inangen ko sikona kemonaan te medita pongan.

Genesis 35:11

Minikagi heman se Timanem, “Siaken se Timanem eglowan diyà te kedita. Inangen ko medita se menge bowad-bowad nikaw. Inangen ko medita pongan se menge bowad-bowad nikaw, aw doen heman kandan meinang menge selotan.

Genesis 17:16

Mèpiya se ibegay ko diyà kandin, aw ibegay ko diyà kamno se batà meama tomebaw diyà kandin. Mèpiya se ibegay ko diyà te esawa nikaw, aw meinang sikandin kemonaan te medita pongan. Doen menge bowad-bowad din meinang selotan.”

Genesis 17:20

Dinineg ko se pinemoyò no tepad ki Ismael, aw yan mèpiya heman se ibegay ko diyà kandin. Ibegay ko diyà kandin se medita batà din aw menge bowad-bowad din. Meinang sikandin kemonaan te sempolò teg dowa datò, aw inangen ko dakel pongan se menge bowad-bowad din.

Genesis 26:22

Minalin sikandin lekat kidoen, aw migpebangbang sikandin te sokian doton. Wedad migbolaw tepad kenyan, aw yan iningedanan din iyan Rehobut (kelebadan niyan, keombaan), so minikagi sikandin, “Doen den keombaan imbegay te Timanem diyà kenitadon, aw mèpiya den se peg-ogpà tadon dini.”

Genesis 28:3

Ibeg ko, mèpiya se ibegay te Timanem diyà kamno, aw inangen din medita se bowad-bowad no lamig meinang ka kemonaan te medita pongan te otaw.

Genesis 41:52

Iningedanan din se adi ki Efraim (kelebadan niyan, migmengisù), so minikagi si Jose, “Tinebangan a te Timanem aw yan migmengisù a den dini te tanà te kelimahan ko.”

Genesis 47:27

Mig-ogpà se menge bowad-bowad i Jacob (doma ngadan din si Israel) kidoen te Gosen doton te Ehipto, aw yan neinang dakel se kedònan dan kidoen, aw ontò migkedita se mengisù dan.

Genesis 13:16

Inangen ko medita se bowad-bowad nikaw igsà eked dan kebilang. Labi pa mola se pegbilang te menge napò te tanà.

Genesis 48:3

Minikagi si Jacob diyà ki Jose, “Kedengan, migpekità se Timanem metolos diyà kanak kidoen te Luz doton te Canaan, aw mèpiya se impakang din kanak.

Genesis 48:4

Minikagi sikandin, ‘Medita se batà ibegay ko kamno amon meinang medita pongan se menge bowad-bowad nikaw. Ibegay ko se tanà dini te Canaan diyà te menge bowad-bowad nikaw amon tig-epoen dan ini te wedad temanan.’”