Genesis 17:17 - Manobo Sarangani

¹⁷ Limongken si Abraham lamig minapet se olo din diyà te tanà. Nebebayat sikandin, so mig-aneng-aneng sikandin, “Pengkey sebad gatos se omay ko, meneng doen kedì batà ko tomebaw. Pengkey kesyaman se omay i Sara, meneng tebawan kedì sikandin te batà.”

Genesis 17:17 ပူးပေါင်းရင်းမြစ်များ

Impekità 11:16

Penga niyan, limongken se kedita te kelowan teg epat obanen egpenenoo medapag te onsedanan te Timanem, aw migsimba dan kandin.

Juan 8:56

Se kemonaan niyo si Abraham, ontò sikandin neluba so metoman din kitaen se pegdateng ko. Kinità a din den aw ontò den sikandin neluba.”

Genesis 21:6

Minikagi si Sara, “Binegayan a den te Timanem te keluba, aw yan egkebebayat a den. Mebebayat heman se kedita te otaw domineg tepad kani tandà te keluba dan.”

Genesis 18:12

Yan se doun te nebebayat si Sara diyà te kandin pegkeotawun, aw mig-aneng-aneng sikandin, “Meneng ontò a den lokes, aw ontò den temoay se esawa ko. Menonen se pegdateng te keluba sìyan diyà kanak?”

Genesis 17:3

Limongken si Abram lamig minapet se olo din diyà te tanà, aw minikagi heman se Timanem,

Impekità 5:8

Peg-abat din te papil, limongken se kedita te ayam-ayam metolos aw obanen diyà kandin amon megsimba dan kandin. Inibing te teg sebad-sebad obanen se alpa egkebliten, aw inewidan dan heman se menge lipong ininang te bolawan. Nepenò se lipong dan te metinadeg egsonogen amon megkèpiya se nadeg. Yan se polingun te pegtawal-tawal te menge sakop te Timanem kandin.

Mat. 2:11

Peg-awop dan kidoen te balay, kinità dan se batà aw inay din si Maria. Limongken dan aw migsimba dan te batà. Penga niyan, inokal dan se kekanà inibing dan, menge bolawan, aw metinadeg sonogen, aw bebolong te saka iningedanan mira. Tinigkan dan iyan imbowang diyà ki Jesus.

Luc. 1:18

Mig-insà si Zacarias, “Menonen ko se pegketaga-taga te metoman iyan? Eked besi iyan ketoman, so temoay a den, aw lokes den se esawa ko.”

Genesis 17:18

Minikagi sikandin diyà te Timanem, “Ibeg ko si Ismael peden heman se begayan no te mèpiya.”

Genesis 18:11

Ontò den temoay si Abraham, aw ontò den lokes si Sara. Wedad bayi tebawan aw mapet se omay din iling te omay i Sara.

Genesis 21:5

Sebad gatos se omay i Abraham te pegtebaw i Isaac.

Genesis 21:7

Minikagi heman sikandin, “Kedengan, wedad palos otaw mekeikagi diyà ki Abraham te doen aldaw megpesoso a te batà. Meneng tinebawan a den beling te batà din, pengkey temoay den sikandin.”