Genesis 17:10 - Manobo Sarangani

¹⁰ Seini se pengilala tepad te pakang ko keilangan inangen no sipat te kedita te bowad-bowad nikaw. Keilangan tolien se kedita te meama kidoen kamno.

Genesis 17:10 ပူးပေါင်းရင်းမြစ်များ

Genesis 17:11

Keilangan megpetolì ka, so yan se pengilala tepad te pakang ko kamno.

Genesis 17:23

Dalem te aldaw sìyan, timolò si Abraham te Timanem, aw nenolì sikandin te batà din si Ismael, aw kedita te doma sakop din meama, sipat te kedita te allang din, pengkey timebaw kidoen kandin, aw pengkey bineyadan din diyà te doma otaw.

Genesis 17:27

sipat te kedita te allang din meama.

Genesis 21:4

Pegdateng te ikewalo te aldaw lekat te pegtebaw i Isaac, tinolì sikandin i Abraham iling te impunù te Timanem kandin.

Genesis 34:15

Eked iyan kepakay diyà kenami singed aw megpetolì se kedita te meama doton kenyo, amon mekeiling kaw heman kenami.

Genesis 34:22

Meneng eked dan keibeg meg-ogpà dini kenitadon amon meinang kidon sebad pongan singed aw megpetolì se kedita tadon meama iling heman kandan.

Juan 7:22

Gebii, migpunù si Moises te keilangan tolien se dedeitek batà niyo meama. Pengkey yan se impunù din, meneng olò din ingkeliwat se ketanem tapay pa tinekingan te kemonaan tadon gebii. Yan keilangan tolien se batà niyo pengkey aldaw te peg-etod.

Ininang 7:8

Penga niyan, migpunù se Timanem te keilangan tolien si Abraham aw kedita te bowad-bowad din meama amon eked dan kelibeli se impakang te Timanem kandan. Yan pegkepenga te sebad simana lekat te pegtebaw te batà din si Isaac, tinolì din. Iling kenyan, tinolì i Isaac se batà din si Jacob. Nenolì heman si Jacob te sempolò teg dowa batà din meama. Sikandan se kemonaan tadon.

Roma 2:28

Kenà botong aw olò egtaking se menge Judiyo te ketanem te Judiyo, so keilangan melobos se pedowan dan tomaking te Timanem. Kenà heman botong aw olò tolien se menge Judiyo, so keilangan todaen dan heman se ibeg te pedowan dan pineokit te Espiritu Santo, amon tomolò dan te punù ingkeliwat i Moises. Pengkey eked duyuni te doma otaw se Judiyo netodà se pedowan, meneng Timanem se domuyun kandin.

Roma 3:25

Si Jesus se insogò te Timanem amon matay sikandin somelilin kenitadon. Pineokit te dipanog din, pegwedaden te Timanem se salà te otaw memenal kandin. Yan se ininang te Timanem amon ipetaga-taga din kenitadon te metòlid se eg-inangen din. Tandà te kelayat te pedowan din, wedà din tagmon pelumuni se otaw nekesalà kedengan.

Roma 3:28

Yan netegahan tadon den te pineokit te pegpemenal te teg sebad-sebad kenitadon se peg-aneng-aneng te Timanem te metòlid kidon. Kenà iyan pineokit te pegtolò tadon te menge punù ingkeliwat i Moises.

Roma 3:30

Olò sebad se Timanem, aw sikandin se meg-aneng-aneng te metòlid se kedita te otaw memenal ki Jesus, pengkey Judiyo aw otaw kenà Judiyo.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

Galasya 6:12

Se menge otaw egtoladà te keilangan tomolò kaw te punù ingkeliwat i Moises aw tolien kaw, yan se otaw meibeg te meluba se menge doma dan Judiyo pineokit te pegtolò niyo te ketanem dan sìyan. Eden dan aw pineokit kenyan, eked dan pemilangi te menge doma dan Judiyo, pengkey egpemenal dan ki Jesus nematay doton te kros.

Efeso 2:11

Sikiyo menge otaw kenà Judiyo, eneng-enengi niyo tepad te pegkeotawun niyo kedengan. Egkebensihan kaw te menge Judiyo egpemetolì, so wedà kaw taking te ketanem day sìyan.

Filipos 3:3

Meneng sikitadon se doen pengilala te ontò kidon sakop te Timanem, so egsimba kidon te Timanem pineokit te tabang te Espiritu Santo, aw doen den keluba tadon lekat ki Jesu Cristo. Impelowà kidon den lekat te salà, meneng kenà iyan pineokit te pegtolò tadon te punù ingkeliwat i Moises.