Genesis 17:1 - Manobo Sarangani

¹ Peg-apet te kesyaman teg siyam se omay i Abram, migpekità se Timanem diyà kandin, aw minikagi sikandin, “Siak se Timanem eglowan diyà te kedita. Tolò ka kanak. Keilangan gayed ka meg-inang te metòlid.

Genesis 17:1 ပူးပေါင်းရင်းမြစ်များ

Genesis 12:1

Nayan, minikagi se Timanem diyà ki Abram, “Tanan ka den te tanà inogpaan no seini. Tanan ka den heman te menge kedomaan nikaw aw pamilya te amay nikaw. Doton ka den te ogpeanan tedoan ko kamno.

Genesis 12:7

Migpekità se Timanem diyà ki Abram, aw minikagi sikandin, “Seini se ogpeanan ibegay ko diyà te menge bowad-bowad nikaw.” Yan mig-inang si Abram te sonoganan te ayam-ayam ibegay diyà te Timanem migpekità diyà kandin.

Genesis 16:16

Kewelowan teg enem se omay i Abram te pegtebaw i Ismael.

Genesis 18:1

Peg-ogpà i Abraham doton te menge olayan i Mamre, migpekità se Timanem diyà kandin. Pegkeinit te aldaw, nenenoo si Abraham doton te lelebangan te tolda inogpaan din.

Genesis 18:14

Wedad palos eked kebatog te Timanem. Doen inangen ko metolos te modi omay, so doen batà meama tomebaw diyà ki Sara.”

Genesis 24:40

“Timaba sikandin, ‘Doen anghil ipetaking kamno te Timanem gayed ko egtoloen, amon metoman se tod nikaw doton. Yan mekeabat ka te bayi pengognanen te batà ko doton te menge kedomaan ko, sìyan menge bowad-bowad te amay ko.

Genesis 26:2

Yan se dinotonan din, so tapay migpekità se Timanem diyà ki Isaac, aw migpunù sikandin, “Ikà egdoton te Ehipto. Peg-ogpà ka doton te tanà tedoan ko kamno.

Genesis 28:3

Ibeg ko, mèpiya se ibegay te Timanem diyà kamno, aw inangen din medita se bowad-bowad no lamig meinang ka kemonaan te medita pongan te otaw.

Genesis 35:11

Minikagi heman se Timanem, “Siaken se Timanem eglowan diyà te kedita. Inangen ko medita se menge bowad-bowad nikaw. Inangen ko medita pongan se menge bowad-bowad nikaw, aw doen heman kandan meinang menge selotan.

Genesis 43:14

Ibeg ko tebangan kaw te Timanem amon keidowan kaw te otaw doton aw ipeolì din si Benjamin aw si Simeon. Nayan tepad kanak, aw keilangan kemetayan a te menge batà ko, aw den iyan.”

Genesis 46:3

Minikagi sikandin, “Siaken se Timanem. Siaken se Timanem egseligan te amay no gebii. Ikà egkelemitan te pegdoton no te Ehipto, so doton te Ehipto inangen ko se menge bowad-bowad nikaw ontò melangkaw pongan.

Genesis 48:15

Penga niyan, migtawal-tawal sikandin amon begayan te Timanem si Jose te mèpiya, kagi din, “E Timanem, sikona se egseligan te menge kemonaan ko si Abraham aw si Isaac. Sikona se gayed mig-ipat kanak lamig songkani.

Genesis 48:3

Minikagi si Jacob diyà ki Jose, “Kedengan, migpekità se Timanem metolos diyà kanak kidoen te Luz doton te Canaan, aw mèpiya se impakang din kanak.

Genesis 5:22

Penga niyan, dalem te telo gatos se omay, migpedomaay si Enok aw Timanem. Dalem niyan, doen pa menge doma batà din timebaw.

Genesis 5:24

Gayed migpedomaay si Enok aw Timanem lamig te aldaw te pegkewedad din, so binaloy sikandin te Timanem.

Genesis 6:9

Seini se indan tepad ki Noe. Diyà te kedita te otaw, olò si Noe se eg-inang te metòlid, aw wedad palos isila kandin. Migpedomaay si Noe aw Timanem.

Mat. 19:26

Meneng timengteng si Jesus diyà kandan aw minikagi, “Pengkey eked pekelowà se otaw lekat te pelumun te Timanem, meneng wedad palos eked kebatog te Timanem.”

Mat. 5:48

Yan, keilangan melobos se pedowan niyo iling te kelobos te pedowan te Amay niyo Timanem doton te langit.”

Luc. 1:6

Sìyan teleesawa, ontò dan nelubahan te Timanem so metòlid se eg-inangen dan. Wedad palos otaw mekesila kandan so ontò dan egtolò te menge punù te Pengolo.

Ininang 23:1

Yan timengteng si Pablo diyà te kedita te obanen te simbahan aw minikagi sikandin, “Menge kedowa ko, pengkey eden se neinang ko, meneng netegahan ko te ontò metòlid se aneng-aneng ko diyà te Timanem lamig songkani.”

Ininang 24:16

Ontò a measeb eg-inang te mèpiya, so ibeg ko wedad palos ikeyàyà ko diyà te Timanem aw otaw.

Efeso 3:20

Iduyun tadon den se Timanem egtabang kenitadon pineokit te tolos din, so ontò dakel se mebatog din inangen labi pa dakel diyà te kedita te egpemoyoen tadon aw eg-eneng-enengen tadon.

Filipos 4:13

Pengkey eden se domateng kanak, meketayod a te kedita niyan so egtebangan a i Cristo.

Menge Hebreo 12:28

Yan keilangan megpesiontong kidon diyà te Timanem so sinakop kidon din diyà te peglowan din eked palos kebàti. Keilangan megsimba kidon heman kandin onawa te ibeg din inangen tadon, aw megsagman kidon heman kandin,

Menge Hebreo 7:25

Yan se doun te gayed sikandin mekebatog megpelowà te kedita te otaw megpedapag diyà te Timanem pineokit kandin. So wedad temanan din, gayed sikandin egpemoyò diyà te Amay din te itabang din kandan.