Genesis 15:7 - Manobo Sarangani

⁷ Minikagi heman se Timanem, “Siaken se Timanem nengibing kamno lekat te Ur te Caldea. Tod ko ibegay ko diyà kamno se tanà seini, amon tig-epoen no iyan.”

Genesis 15:7 ပူးပေါင်းရင်းမြစ်များ

Genesis 12:1

Nayan, minikagi se Timanem diyà ki Abram, “Tanan ka den te tanà inogpaan no seini. Tanan ka den heman te menge kedomaan nikaw aw pamilya te amay nikaw. Doton ka den te ogpeanan tedoan ko kamno.

Roma 4:13

Gebii, migpakang se Timanem diyà ki Abraham aw menge bowad-bowad din te doen aldaw domateng aw begayan dan te kedakel te keneyonan aw lomowan dan diyà te kedita te otaw. Yan se impakang te Timanem kenà so timolò si Abraham te menge punù ingkeliwat i Moises, meneng impakang iyan te Timanem so nemenal si Abraham te Timanem aw inaneng-aneng te Timanem te metòlid sikandin.

Genesis 12:7

Migpekità se Timanem diyà ki Abram, aw minikagi sikandin, “Seini se ogpeanan ibegay ko diyà te menge bowad-bowad nikaw.” Yan mig-inang si Abram te sonoganan te ayam-ayam ibegay diyà te Timanem migpekità diyà kandin.

Genesis 28:4

Ibeg ko, tomanen te Timanem se impakang din diyà ki Abraham amon tig-epoen no sipat te menge bowad-bowad no se tanà seini inogpaan tadon, sìyan tanà impakang din diyà ki Abraham.”

Genesis 50:24

Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”