Genesis 15:6 - Manobo Sarangani

⁶ Nemenal si Abram te Timanem, aw yan se doun te mig-aneng-aneng se Timanem te metòlid sikandin.

Genesis 15:6 ပူးပေါင်းရင်းမြစ်များ

Santiago 2:23

Yan se kedegdagan te kagi te Timanem insolat, “Nemenal si Abraham te tomanen te Timanem se pakang din kandin, aw yan mig-aneng-aneng se Timanem te metòlid sikandin.” Yan se doun te tinawal sikandin “Sigalak te Timanem.”

Roma 4:9

Na, kenà olò menge Judiyo egpemetolì se begayan te Timanem te keluba sìyan, so egbegayan din heman se menge otaw kenà Judiyo pengkey kenà dan egpemetolì. Netegahan tadon den te inaneng-aneng te Timanem te metòlid si Abraham so nemenal sikandin.

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

Roma 4:11

Penga te pegpemenal i Abraham, migpetolì sikandin. Yan se pengilala te inaneng-aneng te Timanem te metòlid sikandin tandà te pegpemenal din te wedà pa tolii. Yan neinang sikandin olo te kedita te otaw egpemenal pengkey wedà dan tolii, so inaneng-aneng heman te Timanem te metòlid dan tandà te pegpemenal dan.