Genesis 15:5 - Manobo Sarangani

⁵ Inibing te Timanem si Abram doton te lowà te balay, aw minikagi sikandin, “Lengag ka den doton te langit. Pegbilang ka te menge bitoen aw mebatog nikaw. Iling kenyan se kedita te menge bowad-bowad nikaw.”

Genesis 15:5 ပူးပေါင်းရင်းမြစ်များ

Menge Hebreo 11:12

Pengkey migketemoay si Abraham, aw iling te eked sikandin pekebatà, meneng doen batà din timebaw, aw neinang sikandin kemonaan te ontò medita otaw igsà eked dan kebilang, iling te menge bitoen doton te langit aw iling te enay doton te dagat.

Roma 4:18

Pengkey iling te eked palos ketoman se impakang te Timanem ki Abraham, meneng nemenal sikandin. Migpeliman sikandin te aldaw te meinang sikandin kemonaan te medita pongan, so pinekangan sikandin te Timanem te doen batà din tomebaw aw megkedita se menge bowad-bowad din.

Genesis 22:17

yan mèpiya se ibegay ko diyà kamno, so inangen ko ontò medita se bowad-bowad nikaw iling te kedita te menge bitoen doton te langit, aw iling heman te kedita te enay doton te dagat. Mekedaeg se menge bowad-bowad no te menge lonsod te poon dan.

Genesis 12:2

Medita se bowad-bowad ibegay ko diyà kamno, aw meinang dan dakel pongan. Mèpiya se ibegay ko diyà kamno, aw inangen ko medengeg se ngadan nikaw. Mèpiya heman se ibegay ko diyà te menge doma otaw pineokit kamno.

Genesis 28:14

Inangen ko medita se bowad-bowad nikaw igsà eked dan kebilang iling te menge napò te tanà. Meg-ogpà se menge bowad-bowad no doton te kebelad te tanà pengkey kenan nikaw kitai. Mèpiya se ibegay ko diyà te kedita te otaw dini te keneyonan pineokit kamno aw bowad-bowad nikaw.

Genesis 26:4

Inangen ko ontò medita se bowad-bowad nikaw, iling te kedita te menge bitoen doton te langit. Ibegay ko diyà kandan se kedakel te tanà seini. Mèpiya se ibegay ko diyà te kedita te otaw te keneyonan pineokit te bowad-bowad nikaw.

Genesis 16:10

Minikagi heman se anghil, “Inangen ko ontò medita se bowad-bowad nikaw igsà eked dan kebilang.

Genesis 13:16

Inangen ko medita se bowad-bowad nikaw igsà eked dan kebilang. Labi pa mola se pegbilang te menge napò te tanà.

Genesis 17:2

Tomanen ko se pakang ko kamno. Inangen ko ontò medita se bowad-bowad nikaw.”

Genesis 32:13

Minidegà si Jacob kidoen. Pinemallì din se menge ayam-ayam din kidoen amon doen ibowang din diyà ki Esau.