Genesis 15:18 - Manobo Sarangani

¹⁸ Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.

Genesis 15:18 ပူးပေါင်းရင်းမြစ်များ

Genesis 12:7

Migpekità se Timanem diyà ki Abram, aw minikagi sikandin, “Seini se ogpeanan ibegay ko diyà te menge bowad-bowad nikaw.” Yan mig-inang si Abram te sonoganan te ayam-ayam ibegay diyà te Timanem migpekità diyà kandin.

Genesis 24:7

Kedengan, inikegiyan a te Timanem eg-ogpà doton te langit te keilangan mesayo a lekat te menge kedomaan te amay ko aw tanà tinebawan ko, aw ontò a din pinekangan te ibegay din se tanà seini diyà te menge bowad-bowad ko. Isogò te Timanem se anghil monà diyà kamno aw megtabang kamno amon mekeabat ka te bayi pengognanen te batà ko.

Genesis 13:15

Se kebelad te tanà kitaen nikaw, yan se ibegay ko diyà kamno aw menge bowad-bowad nikaw te wedad temanan.

Menge Hebreo 13:20

Inantay te Timanem se Pengolo tadon si Jesus lekat te nematay, so pineokit te pegkematay din, ininang din se kaling peokit amon mekepedapag kidon diyà kandin te wedad temanan. Iling sikandin te Telediyaga tadon, so iling kidon te menge karniro eg-ipaten din.

Genesis 26:4

Inangen ko ontò medita se bowad-bowad nikaw, iling te kedita te menge bitoen doton te langit. Ibegay ko diyà kandan se kedakel te tanà seini. Mèpiya se ibegay ko diyà te kedita te otaw te keneyonan pineokit te bowad-bowad nikaw.

Genesis 50:24

Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”

Genesis 35:12

Se kebelad te tanà imbegay ko diyà ki Abraham aw si Isaac, yan se ibegay ko heman diyà kamno, aw ibegay ko heman iyan diyà te menge bowad-bowad nikaw te modi aldaw.”

Genesis 28:4

Ibeg ko, tomanen te Timanem se impakang din diyà ki Abraham amon tig-epoen no sipat te menge bowad-bowad no se tanà seini inogpaan tadon, sìyan tanà impakang din diyà ki Abraham.”

Genesis 2:14

Tigris se ngadan te iketelo te wayeg, aw minokit iyan lenged te eglibtakan te tanà iningedanan Asirya. Yofritis se ngadan te ikeepat te wayeg.

Ininang 7:5

Wedad tanà imbegay te Timanem kandin pengkey deitek. Pengkey wedad palos batà i Abraham, meneng migpakang se Timanem te doen tanà ibegay kandin aw menge bowad-bowad din.

Impekità 9:14

Minikagi sikandin diyà te ikeenem anghil, “Pelowai se epat anghil i Satanas ginapos pa kidoen te dakel wayeg te Yofritis.”