Genesis 15:16 - Manobo Sarangani

¹⁶ Penga te peg-ogpà te menge bowad-bowad no doton te doma ogpeanan taman te ikeepat kebelikwat se pamilya megpetondogay, molì dan dini, so gayed dogangan te menge otaw Amori se peg-inang dan te salà igsà keilangan ipelumun ko dan.”

Genesis 15:16 ပူးပေါင်းရင်းမြစ်များ

1 Tesalonika 2:16

so migsagda dan te pegtoladà day te menge otaw kenà Judiyo te mekelowà dan lekat te salà. So egsagda dan te pegtoladà day, egdogangan dan se menge salà dan. Meneng agpet den dan detengan te pelumun te Timanem.

Genesis 15:13

Minikagi se Timanem diyà kandin, “Metoman meg-ogpà se menge bowad-bowad no doton te tanà tinig-apò te menge doma otaw te sebad pongan. Kelimahan dan aw ellangen dan te doma otaw taman te epat gatos se omay.

Genesis 10:16

Si Canaan heman se kemonaan te menge pongan te otaw iningedanan Jebusi, Amori, Girgasi,

Genesis 48:21

Penga niyan, minikagi si Jacob diyà ki Jose, “Nayan, agpet den se aldaw te pegkematay ko, meneng ipaten ka pa te Timanem, aw ipeolì din se menge bowad-bowad ta te modi aldaw doton te tanà inogpaan te menge kemonaan ta gebii.

Genesis 50:24

Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”