Genesis 14:4 - Manobo Sarangani

⁴ Tapay sinakop i Cadorlahomor se lima selotan sìyan dalem te sempolò teg dowa se omay. Meneng pegdateng te ikesempolò teg telo te omay, minato dan kandin.

Genesis 14:4 ပူးပေါင်းရင်းမြစ်များ

Genesis 14:1

Nayan, si Amrafel se selotan doton te Sinar, si Arioc se selotan doton te Elasar, si Cadorlahomor se selotan doton te Elam, aw si Tadal se selotan doton te Goyim. Dalem te pegkeselotan dan, migsebad se epat dan migbolaw diyà te doma lima selotan seini, si Bara selotan te Sodoma, si Birsa selotan te Gomora, si Sinab selotan te Adma, si Semeber selotan te Seboyim, aw sìyan selotan te Bela doma ngadan niyan Soar.

Genesis 14:3

Migsebad se lima selotan sìyan, aw netipon se kedita te sondalo dan doton medapag te baog te Sidim neinang den songkani Lanaw te Asin.

Genesis 14:5

Pegdateng te ikesempolò teg epat te omay, limompak si Cadorlahomor aw menge doma selotan migsebad diyà kandin. Dinaeg dan se kedita te tege Repai doton te Astarot-carnaim. Dinaeg dan heman se menge tege Susi doton te Ham, aw menge tege Emi doton te kepetagan te Kiriataim.