Genesis 14:13 - Manobo Sarangani

¹³ Doen sebad otaw nekelowà mig-indan te kedita niyan diyà ki Abram se Hebreo. Dalem niyan, mig-ogpà si Abram doton medapag te menge olayan i Mamre tege Amori. Gayed egpedepitay si Abram, si Mamre, aw menge kedowa i Mamre, si Escol aw si Aner.

Genesis 14:13 ပူးပေါင်းရင်းမြစ်များ

Genesis 13:18

Penga niyan, minalin si Abram, aw mig-ogpà sikandin kidoen medapag te menge olayan i Mamre doton te Hebron, aw mig-inang sikandin te sonoganan te ayam-ayam kidoen amon megsimba sikandin te Timanem.

Genesis 14:24

Wedad palos ebaten ko, meneng se kinaen te menge sineligan ko, yan olò se eked ko olii. Keilangan doen heman talad te menge otaw dimapit kanak, si Aner, si Escol, aw si Mamre.”

Genesis 40:15

Tinakaw a lekat te mediyò ogpeanan day menge Hebreo, aw pengkey wedad palos medaet ininang ko, meneng impekeleboso a pa dini te Ehipto.”

Filipos 2:5

Keilangan meg-iling se teg sebad-sebad kenyo ki Jesu Cristo, so seini se aneng-aneng din.

2 Korinto 11:22

Aw domuyun dan te kandan pegkeotawun so Judiyo dan, siak heman se sebad Judiyo. Aw ikegiyen dan te pinemallì te Timanem se kandan pongan te Israel, siak heman se sebad sakop te Israel. Aw domuyun dan te kandan pegkeotawun so sikandan se menge bowad-bowad i Abraham, siak heman se sebad bowad-bowad i Abraham.

Genesis 43:32

Tinani se kènanan dan, so sebad se lemisa i Jose, aw sebad se lemisa te menge kedowa din, aw sebad heman se lemisa te menge tege Ehipto kimaen kidoen, so eked keibeg se menge tege Ehipto komaen doma te menge Hebreo, so eglindoan te menge tege Ehipto se menge Hebreo.

Genesis 41:12

Doen Hebreo kidoen, telaki pa, sineligan te kapitan te menge sondalo. Mig-indan kay diyà kandin tepad te tegeinep day, aw in-indan din kenami se kedegdagan niyan.

Genesis 10:16

Si Canaan heman se kemonaan te menge pongan te otaw iningedanan Jebusi, Amori, Girgasi,

Genesis 39:14

tinawal din se menge doma sineligan, aw minikagi sikandin, “Na, inibing te doma ko dini se Hebreo sìyan amon megyàyà kenitadon. Minawop gina sikandin te tambì ko amon megleges peden kanak, meneng mig-olangag a.

Genesis 18:1

Peg-ogpà i Abraham doton te menge olayan i Mamre, migpekità se Timanem diyà kandin. Pegkeinit te aldaw, nenenoo si Abraham doton te lelebangan te tolda inogpaan din.

Genesis 21:27

Penga niyan, nemegay si Abraham te menge karniro aw baka diyà ki Abimelec, aw migpepekangay dan.

Genesis 21:32

Penga te pegpepekangay dan kidoen te Berseba, minolì si Abimelec aw si Picol doton te tanà te menge tege Filisti.

Genesis 21:24

Minikagi si Abraham, “Yan se ipakang ko den diyà kamno.”