Genesis 14:12 - Manobo Sarangani

¹² Dinakep dan heman se anak i Abram si Lot, aw inagaw dan se kedònan din, so mig-ogpà sikandin doton te Sodoma.

Genesis 14:12 ပူးပေါင်းရင်းမြစ်များ

Genesis 12:5

Impetaking i Abram se esawa din si Sarai, aw anak din si Lot, aw inibing din se kedakel te kedònan aw kedita te allang neabat din doton te Haran, aw nesayo dan pesalo doton te Canaan. Pegdateng dan doton te Canaan,

Impekità 3:19

Se kedita te otaw nedekelan ko te pedowan, yan se gayed ko egsegdahen, aw egtoledaan ko dan heman. Yan keilangan measeb kaw aw megselsel kaw, amon eked ko sikiyo pelumuni.

Genesis 11:27

Seini se ngadan te menge bowad-bowad i Tera. Si Tera se amay i Abram, si Nahor, aw si Haran. Si Haran se amay i Lot.

Impekità 18:4

Penga niyan, doen doma dinineg ko minikagi kidoen te langit, “Kedita niyo migpesakop diyà kanak, kesayo kaw lekat te ogpeanan sìyan. Eked a keibeg aw makop kaw diyà te salà te bayi sìyan, amon eked kaw heman detengi te kededàtan domateng kandin.

Genesis 14:11

Penga niyan, mig-agaw se epat selotan te kedakel te kedònan aw kànen kidoen te lonsod te Sodoma aw Gomora, aw nesayo dan.

Genesis 14:14

Pegketaga-taga i Abram te nedakep se anak din, tinipon din se kedita te sineligan din biyasa eglegamit te kekamang, telo gatos sempolò teg walo se kedita dan, aw mig-alaw dan te epat selotan sìyan taman te lonsod te Dan.

Genesis 14:16

Neabat i Abram se kedakel te kedònan neagaw dan. Impelowà din heman se anak din si Lot, aw in-olì din diyà ki Lot se kedakel te kedònan neagaw lekat kandin. Impelowà din heman se kedita te bayi aw menge doma otaw nedakep.

Genesis 11:31

Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.