Genesis 13:8 - Manobo Sarangani

⁸ Yan minikagi si Abram diyà ki Lot, “Eked a keibeg aw megbolaw ki aw megbolaw heman se menge telediyaga ta, so anak ko sikona.

Genesis 13:8 ပူးပေါင်းရင်းမြစ်များ

Ininang 7:26

Keeldawan niyan, netelaan din se didowa Judiyo migbolaw. Migtelaman si Moises mig-osay kandan. Minikagi sikandin, ‘Elew, telekedowa kaw. Ikà niyo egbolaw.’

2 Pedro 1:7

Aw meketolò kaw te ibeg te Timanem, keilangan megpeidoway kaw heman. Aw egpeidoway kaw, keilangan dakel heman se pedowan niyo diyà te kedita te otaw.

1 Pedro 4:8

Ontò keilangan te gayed kaw megpedekelay te pedowan, so aw dakel se pedowan niyo te doma otaw, mebatog niyo pegwedaden se ontò medita salà dan diyà kenyo.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.

Roma 12:10

Tandà te pegpesakop niyo diyà ki Cristo, neinang kaw den iling te telekedowa, aw yan keilangan megpedekelay kaw te pedowan. Keilangan meagka se pedowan te kedita niyo te pegpesegmanay.

Genesis 45:24

Penga niyan, minikagi si Jose diyà te menge kedowa din, “Ikà niyo egbolaw diyà te dalan.” Yan impekesayo din dan.

1 Juan 4:7

Menge kedowa egkedekelan ko te pedowan, keilangan gayed kidon megpedekelay te pedowan, so Timanem se eglekatan te dakel pedowan. Se otaw doen dakel pedowan din, yan se ininang te Timanem batà din aw egtaking heman te Timanem.

1 Pedro 2:17

Keilangan megsagman kaw te kedita te otaw. Keilangan dakel se pedowan niyo te kedita te doma sakop te Timanem. Keilangan melemitan kaw meg-inang te eked keibegi te Timanem. Keilangan megsagman kidon te otaw ginulal selotan tadon.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

Menge Hebreo 13:1

Keilangan gayed dakel se pedowan niyo diyà te menge doma otaw egpemenal.

Menge Hebreo 12:14

Pegpekeaseb kaw te pegsebad te pedowan niyo diyà te kedita te doma otaw. Pegpekeaseb kaw heman meg-inang te metòlid, so wedad palos otaw meg-ogpà doma te Pengolo tadon singed aw metòlid dan.

1 Tesalonika 4:9

Wedad den keilangan te doen megtoladà kenyo tepad te pegpedekelay niyo te pedowan, so tinoledaan kaw den te Timanem te keilangan megpedekelay kaw te pedowan,

Filipos 2:14

Pengkey eden se inangen niyo, ikà niyo egbelisì. Ikà niyo heman egdindil,

Mat. 5:9

“Doen keluba te kedita te otaw egpekeaseb eg-inang te kelinaw, so inangen dan te Timanem menge batà din.

Genesis 13:9

Yan mèpiya aw megpeteniyay ki den. Na, pegpeatap-atap ka den te kebelad te tanà seini. Aw pemellien no se tanà lenged te bibang, malin a doton te tanà lenged te kowanan. Aw pemellien no se tanà lenged te kowanan, malin a doton te tanà lenged te bibang.”

Genesis 46:34

keilangan meg-indan kaw kandin te telediyaga kaw lekat te pegkemengisù niyo, iling te eg-inangen te menge kemonaan niyo gebii. Doun niyan, ipeogpà kaw din doton te Gosen.” Yan se inikagi i Jose diyà kandan, so eglindoan te menge tege Ehipto se telediyaga.

Genesis 14:14

Pegketaga-taga i Abram te nedakep se anak din, tinipon din se kedita te sineligan din biyasa eglegamit te kekamang, telo gatos sempolò teg walo se kedita dan, aw mig-alaw dan te epat selotan sìyan taman te lonsod te Dan.