Genesis 12:8 - Manobo Sarangani

⁸ Penga niyan, dimeleg sikandin pesalo doton te menge bontod lenged te eglibtakan te lonsod te Betel. Mig-ogpà sikandin diyà te tengà-tengà te lonsod te Betel aw Ai. Lenged te egsellepan se lonsod te Betel, aw lenged te eglibtakan se lonsod te Ai. Mig-inang heman sikandin te sonoganan te ayam-ayam kidoen, aw migsimba sikandin te Timanem.

Genesis 12:8 ပူးပေါင်းရင်းမြစ်များ

Genesis 13:18

Penga niyan, minalin si Abram, aw mig-ogpà sikandin kidoen medapag te menge olayan i Mamre doton te Hebron, aw mig-inang sikandin te sonoganan te ayam-ayam kidoen amon megsimba sikandin te Timanem.

Genesis 13:3

Pegkesayo din lekat te Negeb, mig-alin-alin sikandin pesalo doton te Betel lamig dimateng sikandin doton te tapay ogpeanan din kidoen te tengà-tengà te Betel aw Ai.

Genesis 13:4

Yan heman se tapay din ininangan te sonoganan te ayam-ayam. Todà sikandin migsimba te Timanem kidoen.

Genesis 21:33

Penga niyan, nenanem si Abraham te kayo tamarisko doton te Berseba, aw migtawal-tawal sikandin diyà te Timanem wedad temanan.

Genesis 22:9

Pegdateng dan doton te bontod sinogoan te Timanem ki Abraham, mig-inang si Abraham te sonogan din te ayam-ayam ibegay diyà te Timanem, aw insawol din se kayo itabon kidoen te lanto niyan. Penga niyan, ginapos din se batà din aw insawol din heman sikandin diyà te lanto te kayo itabon.

Genesis 26:25

Mig-inang si Isaac te sonoganan te ayam-ayam ibegay diyà te Timanem, aw migsimba sikandin te Timanem kidoen. Mig-ogpà si Isaac kidoen, aw nemangbang se menge sineligan din te sokian.

Genesis 28:19

Iningedanan din se tanà sìyan Betel (kelebadan niyan, balay te Timanem). Meneng iningedanan Luz se lonsod kidoen kedengan.

Genesis 31:25

Mig-ogpà si Jacob doton te bontod te Galaad. Pegpekesaeb i Laban aw menge kedomaan din ki Jacob, mig-ogpà dan heman kidoen.

Genesis 33:20

Mig-inang si Jacob te sonoganan te ayam-ayam ibegay diyà te Timanem, aw iningedanan din iyan El Elohe Israel (kelebadan niyan, magsen se Timanem egseligan i Israel).

Genesis 35:3

Pegpeketagad kaw den, so domoton kidon te Betel. Meg-inang a te sonoganan te ayam-ayam kidoen amon megsimba a te Timanem. Pegdateng te kelimahan diyà kanak kedengan, tinebangan a din, aw gayed a din egdomaan pengkey kenan a pesalo.”

Genesis 35:7

Mig-inang sikandin te sonoganan te ayam-ayam kidoen, aw iningedanan din se tanà sìyan Timanem te Betel, so migpekità se Timanem diyà kandin kidoen kedengan te pegkadas din lekat te kedowa din.

Genesis 4:26

Doen batà meama timebaw diyà te esawa i Set, aw iningedanan din se batà din ki Enos. Nayan, lekat te aldaw sìyan, migtebò se menge otaw migsimba aw migtawal-tawal diyà te Timanem.

Genesis 8:20

Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.

Ininang 2:21

Meneng mekelowà lekat te salà se kedita te otaw memoyò diyà te Pengolo tadon.’ Yan se kagi te Timanem ingkeliwat i Joel.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

Menge Hebreo 11:9

Pegdateng din doton te tanà impakang te Timanem kandin, simalig sikandin diyà te Timanem, so migpeliman sikandin te aldaw te pegbegay te Timanem kandin te tanà sìyan. Mig-ogpà dan diyà te balay inetepan te penenaktun. Iling heman kenyan se ininang te batà din si Isaac, aw apò din si Jacob, so migpeliman dan heman te aldaw te pegketoman te pakang te Timanem.