Genesis 12:7 - Manobo Sarangani

⁷ Migpekità se Timanem diyà ki Abram, aw minikagi sikandin, “Seini se ogpeanan ibegay ko diyà te menge bowad-bowad nikaw.” Yan mig-inang si Abram te sonoganan te ayam-ayam ibegay diyà te Timanem migpekità diyà kandin.

Genesis 12:7 ပူးပေါင်းရင်းမြစ်များ

Galasya 3:16

Na, pinekangan te Timanem si Abraham aw bowad-bowad din. Kenà aw kedita te bowad-bowad i Abraham se pinekangan te Timanem, meneng sebad olò bowad-bowad din si Cristo.

Genesis 17:8

Se kedakel te tanà te Canaan làno nikaw inogpaan, yan se ibegay ko diyà kamno aw diyà te menge bowad-bowad nikaw amon tig-epoen niyo iyan te wedad temanan. Siak se Timanem meg-ipat kandan.”

Genesis 17:1

Peg-apet te kesyaman teg siyam se omay i Abram, migpekità se Timanem diyà kandin, aw minikagi sikandin, “Siak se Timanem eglowan diyà te kedita. Tolò ka kanak. Keilangan gayed ka meg-inang te metòlid.

Genesis 18:1

Peg-ogpà i Abraham doton te menge olayan i Mamre, migpekità se Timanem diyà kandin. Pegkeinit te aldaw, nenenoo si Abraham doton te lelebangan te tolda inogpaan din.

Genesis 13:15

Se kebelad te tanà kitaen nikaw, yan se ibegay ko diyà kamno aw menge bowad-bowad nikaw te wedad temanan.

Genesis 13:4

Yan heman se tapay din ininangan te sonoganan te ayam-ayam. Todà sikandin migsimba te Timanem kidoen.

Genesis 13:18

Penga niyan, minalin si Abram, aw mig-ogpà sikandin kidoen medapag te menge olayan i Mamre doton te Hebron, aw mig-inang sikandin te sonoganan te ayam-ayam kidoen amon megsimba sikandin te Timanem.

Genesis 32:30

Iningedanan i Jacob se tanà sìyan Peniel (kelebadan niyan, bawa te Timanem), so minikagi sikandin, “Kinità ko den se bawa te Timanem, meneng wedà a kedì kematay.”

Genesis 26:25

Mig-inang si Isaac te sonoganan te ayam-ayam ibegay diyà te Timanem, aw migsimba sikandin te Timanem kidoen. Mig-ogpà si Isaac kidoen, aw nemangbang se menge sineligan din te sokian.

Genesis 12:8

Penga niyan, dimeleg sikandin pesalo doton te menge bontod lenged te eglibtakan te lonsod te Betel. Mig-ogpà sikandin diyà te tengà-tengà te lonsod te Betel aw Ai. Lenged te egsellepan se lonsod te Betel, aw lenged te eglibtakan se lonsod te Ai. Mig-inang heman sikandin te sonoganan te ayam-ayam kidoen, aw migsimba sikandin te Timanem.

Menge Hebreo 11:13

Simalig se kedita te otaw sìyan diyà te Timanem, meneng nematay dan te wedà pa ketoman se impakang te Timanem. Meneng kunù wedà dan lengà te pegsalig dan diyà te Timanem, so netegahan dan te pengkey menamay pa, domateng se aldaw te metoman dan kominawà te impakang te Timanem, sìyan pinelimanan dan. Impetaga-taga dan te kenà keneyonan se ontò ogpeanan dan te wedad temanan.

Roma 9:8

Pineokit te kagi te Timanem sìyan, impetaga-taga din kenitadon te eked din eneng-enengi te menge batà din se kedita te otaw, so eked eneng-enengi te Timanem te menge batà din se otaw singed aw doen pakang din tepad kandan.

Genesis 22:9

Pegdateng dan doton te bontod sinogoan te Timanem ki Abraham, mig-inang si Abraham te sonogan din te ayam-ayam ibegay diyà te Timanem, aw insawol din se kayo itabon kidoen te lanto niyan. Penga niyan, ginapos din se batà din aw insawol din heman sikandin diyà te lanto te kayo itabon.

Genesis 17:3

Limongken si Abram lamig minapet se olo din diyà te tanà, aw minikagi heman se Timanem,

Genesis 15:18

Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.

Galasya 4:28

Na, menge kedowa ko, batà kidon den te Timanem pineokit te pakang din. Iling kidon ki Isaac timebaw diyà ki Sara, so sikandin se batà impakang te Timanem diyà ki Abraham.

Genesis 33:20

Mig-inang si Jacob te sonoganan te ayam-ayam ibegay diyà te Timanem, aw iningedanan din iyan El Elohe Israel (kelebadan niyan, magsen se Timanem egseligan i Israel).

Genesis 28:13

Kinità din heman se Timanem timindeg kidoen, aw minikagi sikandin diyà ki Jacob, “Siak se Timanem gayed egseligan te apò no si Abraham, aw amay no si Isaac. Se tanà seini inibatan nikaw, yan se ibegay ko diyà kamno aw diyà te menge bowad-bowad nikaw.

Genesis 26:3

Peg-ogpà ka dini, aw yan megtabang a kamno, aw mèpiya se ibegay ko diyà kamno. Ibegay ko se kedakel te tanà seini diyà kamno aw diyà te menge bowad-bowad nikaw, so tomanen ko se impakang ko diyà te amay no si Abraham.

Genesis 8:20

Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.

Ininang 7:5

Wedad tanà imbegay te Timanem kandin pengkey deitek. Pengkey wedad palos batà i Abraham, meneng migpakang se Timanem te doen tanà ibegay kandin aw menge bowad-bowad din.

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

Genesis 24:7

Kedengan, inikegiyan a te Timanem eg-ogpà doton te langit te keilangan mesayo a lekat te menge kedomaan te amay ko aw tanà tinebawan ko, aw ontò a din pinekangan te ibegay din se tanà seini diyà te menge bowad-bowad ko. Isogò te Timanem se anghil monà diyà kamno aw megtabang kamno amon mekeabat ka te bayi pengognanen te batà ko.

Genesis 13:17

Nayan, peglegeb ka den doton te kebelad te tanà, so yan se ibegay ko diyà kamno.”

Genesis 28:4

Ibeg ko, tomanen te Timanem se impakang din diyà ki Abraham amon tig-epoen no sipat te menge bowad-bowad no se tanà seini inogpaan tadon, sìyan tanà impakang din diyà ki Abraham.”

Genesis 35:7

Mig-inang sikandin te sonoganan te ayam-ayam kidoen, aw iningedanan din se tanà sìyan Timanem te Betel, so migpekità se Timanem diyà kandin kidoen kedengan te pegkadas din lekat te kedowa din.

Genesis 35:12

Se kebelad te tanà imbegay ko diyà ki Abraham aw si Isaac, yan se ibegay ko heman diyà kamno, aw ibegay ko heman iyan diyà te menge bowad-bowad nikaw te modi aldaw.”

Genesis 50:24

Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”