Genesis 12:5 - Manobo Sarangani

⁵ Impetaking i Abram se esawa din si Sarai, aw anak din si Lot, aw inibing din se kedakel te kedònan aw kedita te allang neabat din doton te Haran, aw nesayo dan pesalo doton te Canaan. Pegdateng dan doton te Canaan,

Genesis 12:5 ပူးပေါင်းရင်းမြစ်များ

Genesis 10:19

lamig nesakop dan se kebelad te tanà lekat te lonsod te Sidon taman te lonsod te Gerara medapag te Gasa, aw nesakop heman se menge lonsod te Sodoma, Gomora, Adma, aw Seboim medapag te Lasa.

Genesis 11:27

Seini se ngadan te menge bowad-bowad i Tera. Si Tera se amay i Abram, si Nahor, aw si Haran. Si Haran se amay i Lot.

Genesis 11:31

Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.

Genesis 13:5

Nayan, timaking heman si Lot ki Abram, aw doen heman menge pamilya din, aw sineligan din, aw menge karniro, kambing, aw baka din.

Genesis 13:6

Yan kenà botong se tanà loyawan te kedita te ayam-ayam te didowa dan aw megsebad dan, so pelaban medita se ayam-ayam dan.

Genesis 14:14

Pegketaga-taga i Abram te nedakep se anak din, tinipon din se kedita te sineligan din biyasa eglegamit te kekamang, telo gatos sempolò teg walo se kedita dan, aw mig-alaw dan te epat selotan sìyan taman te lonsod te Dan.

Genesis 14:21

Minikagi se selotan te Sodoma diyà ki Abram, “Kamno den se kedakel te kedònan day neabat no lekat te epat selotan mig-agaw kenyan lekat kenami. Olò menge sakop ko se iolì no diyà kanak.”

Genesis 28:10

Nesayo si Jacob lekat te Berseba aw minipanaw sikandin migpesalo doton te Haran.

Genesis 36:6

Impetaking i Esau se kedita te esawa din, menge batà din, aw menge sakop din, aw inibing dan se kedita te ayam-ayam din aw kedakel te kedònan din inabat din doton te Canaan, aw nesayo dan lekat te kedowa din si Jacob. Minalin dan doton te sebad tanà mediyò lekat kidoen.

Ininang 7:4

Timolò si Abraham, aw nesayo lekat te Kaldiya, aw mig-ogpà doton te Haran. Pegkematay te amay din, impealin te Timanem si Abraham dini te ogpeanan tadon.