Genesis 12:4 - Manobo Sarangani

⁴ Yan timolò si Abram te punù te Timanem, aw nesayo sikandin tinekingan i Lot. Kepitowan teg lima se omay i Abram te pegkesayo din lekat te Haran.

Genesis 12:4 ပူးပေါင်းရင်းမြစ်များ

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

Genesis 11:31

Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.

Genesis 11:27

Seini se ngadan te menge bowad-bowad i Tera. Si Tera se amay i Abram, si Nahor, aw si Haran. Si Haran se amay i Lot.

Ininang 7:4

Timolò si Abraham, aw nesayo lekat te Kaldiya, aw mig-ogpà doton te Haran. Pegkematay te amay din, impealin te Timanem si Abraham dini te ogpeanan tadon.

Menge Hebreo 6:15

Penga niyan, medalem se pedowan i Abraham lamig te pegkinawà din te impakang te Timanem kandin.

Genesis 16:3

aw yan nemegay si Sarai te allang din diyà ki Abram amon inangen din esawa din. Neinang ini penga te peg-ogpà i Abram doton te Canaan te sempolò se omay.

Genesis 16:16

Kewelowan teg enem se omay i Abram te pegtebaw i Ismael.

Genesis 25:7

Sebad gatos kepitowan teg lima se omay i Abraham te pegkematay din.

Genesis 28:10

Nesayo si Jacob lekat te Berseba aw minipanaw sikandin migpesalo doton te Haran.

Genesis 13:5

Nayan, timaking heman si Lot ki Abram, aw doen heman menge pamilya din, aw sineligan din, aw menge karniro, kambing, aw baka din.