Genesis 12:3 - Manobo Sarangani

³ Mèpiya se ibegay ko diyà te kedita te otaw memegay kamno te mèpiya. Meneng ipelumun ko se kedita te otaw megtompuyus kamno. Pineokit kamno, mèpiya se ibegay ko diyà te kedita te otaw dini te keneyonan.”

Genesis 12:3 ပူးပေါင်းရင်းမြစ်များ

Genesis 18:18

so meinang dakel pongan se menge bowad-bowad din, aw mèpiya se ibegay ko diyà te kedita te otaw pineokit kandin.

Genesis 18:19

Pinemallì ko sikandin amon megtoladà sikandin te menge batà din aw menge bowad-bowad din te keilangan tomolò dan kanak, aw keilangan meg-inang dan te metòlid. Aw yan se inangen dan, tomanen ko se kedita te impakang ko diyà kandin.”

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Genesis 24:35

Ontò mèpiya se imbegay te Timanem diyà te amo ko, aw migkeyaman den sikandin. Binegayan sikandin te Timanem te medita karniro, kambing, baka, selapì, bolawan, allang, kamilo, aw asno.

Genesis 25:11

Penga te pegkematay i Abraham, mèpiya se imbegay te Timanem diyà te batà din si Isaac, aw mig-ogpà sikandin doton medapag te Beer Lahai Roi.

Genesis 26:29

te eked ka pegpeeleg kenami, iling te wedà kay palos pegpeeleg kamno. Mèpiya se ininang day diyà kamno, aw melinaw se pedowan tadon te pegkesayo nikaw. Netegahan day den te mèpiya se ipegbegay te Timanem diyà kamno.”

Genesis 26:4

Inangen ko ontò medita se bowad-bowad nikaw, iling te kedita te menge bitoen doton te langit. Ibegay ko diyà kandan se kedakel te tanà seini. Mèpiya se ibegay ko diyà te kedita te otaw te keneyonan pineokit te bowad-bowad nikaw.

Genesis 27:29

Ibeg ko medita se pongan meinang sineligan nikaw, aw medita se otaw lomongken diyà kamno. Mengolo ka diyà te kedita te kedomaan nikaw, aw toloen ka te kedita te kedowa nikaw. Ipelumun te Timanem se kedita te otaw megtompuyus kamno, aw mèpiya se ibegay din diyà te kedita te otaw memegay te mèpiya diyà kamno.”

Genesis 28:14

Inangen ko medita se bowad-bowad nikaw igsà eked dan kebilang iling te menge napò te tanà. Meg-ogpà se menge bowad-bowad no doton te kebelad te tanà pengkey kenan nikaw kitai. Mèpiya se ibegay ko diyà te kedita te otaw dini te keneyonan pineokit kamno aw bowad-bowad nikaw.

Genesis 30:27

Minikagi si Laban, “Aw doen keido no diyà kanak, peg-ogpà ka pa dini. Ikà egkesayo, so pineokit te pegpeneleseb ko, netegahan ko te mèpiya se imbegay te Timanem diyà kanak tandà te peg-ogpà no dini kanak.

Genesis 30:30

Kedengan te wedà a pa dateng dini, olò deitek se keyemanan nikaw. Meneng ontò ka den migkeyaman, so mèpiya se imbegay te Timanem diyà kamno pineokit te kedita te ininang ko. Meneng songkani, keilangan doen ontong te kenaken pamilya pineokit te inangen ko.”

Genesis 39:5

Lekat niyan, so kidoen si Jose, tinebangan te Timanem si Potifar aw dakel se ontong din pengkey doton te balay din aw doton te pawà din.

Mat. 25:40

Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’

Mat. 25:45

Tomaba a, ‘Eneng-enengi niyo se kagi ko seini. Pineokit te wedà kaw pegtabang te ontò medanà otaw egtaking kanak, wedà a niyo tebangi.’

Luc. 24:27

Penga niyan, miglebad-lebad si Jesus diyà kandan te kedita te insolat kidoen te kagi te Timanem tepad te pegkeotawun din, lekat te insolat i Moises aw kidoen te insolat te kedita te telekeliwat te kagi te Timanem gebii.

Roma 4:11

Penga te pegpemenal i Abraham, migpetolì sikandin. Yan se pengilala te inaneng-aneng te Timanem te metòlid sikandin tandà te pegpemenal din te wedà pa tolii. Yan neinang sikandin olo te kedita te otaw egpemenal pengkey wedà dan tolii, so inaneng-aneng heman te Timanem te metòlid dan tandà te pegpemenal dan.

1 Korinto 1:30

Lekat te ibeg te Timanem, migsebad se pedowan niyo ki Cristo, aw impetaga-taga din se kebiyasa te Timanem diyà kenitadon. Yan netegahan tadon te in-aneng-aneng te Timanem te metòlid kidon, iling kidon te wedad salà aw eked kidon den pelumuni.

Galasya 3:16

Na, pinekangan te Timanem si Abraham aw bowad-bowad din. Kenà aw kedita te bowad-bowad i Abraham se pinekangan te Timanem, meneng sebad olò bowad-bowad din si Cristo.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

Galasya 3:8

Doen kagi te Timanem insolat te eneng-enengen din te metòlid se kedita te otaw, pengkey Judiyo aw kenà Judiyo, pineokit te pegpemenal dan. Yan se mèpiya indan tapay intoladà din ki Abraham, kagi din, “Pineokit kamno, ibegay ko se mèpiya diyà te kedita te otaw dini te keneyonan.”

Efeso 1:3

Iduyun se Timanem, Amay te Pengolo tadon si Jesu Cristo. Mèpiya se tabang te Timanem kenitadon pineokit te ininang i Cristo, so binegayan kidon din te kedita te kèpiyaan lekat te langit.

Kolasas 3:11

Diyà te kedita tadon egpemenal, wedad palos lindoan te Timanem, pengkey Judiyo aw kenà Judiyo, pengkey tinolì aw wedà tolii, pengkey mig-iskwila aw wedà peg-iskwila, pengkey allang aw kenà allang, so migsebad den se kedita tadon diyà ki Cristo, aw mig-ogpà sikandin diyà te kedita tadon.

Impekità 7:9

Penga niyan, kinità ko se ontò medita otaw lekat te kedita te ogpeanan. Eked dan kebilang, so ontò dan medita. Timindeg dan kidoen te monà te onsedanan te peglowan, kidoen te monà te Karniro. Nenaol dan te mepotì aw nengibing dan te pelapà te palmera.