Genesis 12:1 - Manobo Sarangani

¹ Nayan, minikagi se Timanem diyà ki Abram, “Tanan ka den te tanà inogpaan no seini. Tanan ka den heman te menge kedomaan nikaw aw pamilya te amay nikaw. Doton ka den te ogpeanan tedoan ko kamno.

Genesis 12:1 ပူးပေါင်းရင်းမြစ်များ

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

Genesis 15:7

Minikagi heman se Timanem, “Siaken se Timanem nengibing kamno lekat te Ur te Caldea. Tod ko ibegay ko diyà kamno se tanà seini, amon tig-epoen no iyan.”

2 Korinto 6:17

Yan se doun te inikagi te Timanem, “Ikà niyo egdoma te menge otaw kenà egtaking kanak. Ikà niyo eg-inabut te medaet ketanem dan. Aw tenanan niyo iyan, somongon a kenyo.

Impekità 18:4

Penga niyan, doen doma dinineg ko minikagi kidoen te langit, “Kedita niyo migpesakop diyà kanak, kesayo kaw lekat te ogpeanan sìyan. Eked a keibeg aw makop kaw diyà te salà te bayi sìyan, amon eked kaw heman detengi te kededàtan domateng kandin.

Genesis 20:13

Kedengan te pegpekesayo te Timanem kanak lekat te lonsod inogpaan te amay ko, minikagi a diyà te esawa ko aw ontò a din egkeidowan, yan keilangan mikagi sikandin diyà te kedita te otaw te telekedowa kay.”

Genesis 24:4

Meneng keilangan lomikò ka doton te tanà tinebawan ko, aw pemellii se bayi lekat te menge kedomaan ko amon doen pengognanen te batà ko si Isaac.”

Genesis 26:2

Yan se dinotonan din, so tapay migpekità se Timanem diyà ki Isaac, aw migpunù sikandin, “Ikà egdoton te Ehipto. Peg-ogpà ka doton te tanà tedoan ko kamno.

Genesis 24:7

Kedengan, inikegiyan a te Timanem eg-ogpà doton te langit te keilangan mesayo a lekat te menge kedomaan te amay ko aw tanà tinebawan ko, aw ontò a din pinekangan te ibegay din se tanà seini diyà te menge bowad-bowad ko. Isogò te Timanem se anghil monà diyà kamno aw megtabang kamno amon mekeabat ka te bayi pengognanen te batà ko.

Genesis 24:38

Meneng keilangan lomikò ka doton te menge kedomaan ko, sìyan menge bowad-bowad te amay ko, aw pemellii se bayi doton kandan amon doen pengognanen te batà ko.’