Genesis 11:6 - Manobo Sarangani

⁶ Mig-aneng-aneng se Timanem, “Migsebad se pedowan te kedita te otaw seini, aw sebad olò se kagi dan. Migtebò dan olò mig-inang kani. Na, te eked kenamay, pengkey eden se ibeg dan, yan se mebatog dan inangen.

Genesis 11:6 ပူးပေါင်းရင်းမြစ်များ

Genesis 3:22

Nayan, minikagi se Timanem, “Neinang den se otaw iling kenitadon, so netegahan den dan aw eden se mèpiya aw eden se medaet. Eked den kepakay aw mengabat dan te pongo lekat te kayo mekebegay te pedowan wedad temanan, so aw komaen dan kenyan, eked dan palos kematay te wedad temanan.”

Genesis 11:1

Gebii, sebad olò se kemolò te kagi eg-ikegiyen te kedita te otaw dini te keneyonan.

Luc. 1:51

Ipetaga-taga din te metolos sikandin pineokit te eg-inangen din. Ipekadas din se menge otaw eg-aneng-aneng te melangkaw dan.

Genesis 6:5

Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.

Genesis 8:21

Peg-adek te Timanem te nadeg niyan, neluba sikandin, aw minikagi sikandin diyà te pedowan din, “Eked a todà pegpelumun te tanà tandà te medaet inang te otaw, so netegahan ko te gayed medaet se ibeg te pedowan te otaw lekat te pegtebaw dan. Eked a todà peg-igelà te kedita te otaw aw menenanap iling te ininang ko den.

Genesis 9:19

Se ditelo batà i Noe sìyan, yan se menge kemonaan te kedita te otaw eg-ogpà dini te keneyonan.

Ininang 17:26

Ininang te Timanem se sebad otaw si Adam, aw sikandin se kemonaan te kedita te otaw eg-ogpà dini te kebelad te keneyonan. Tapay piglalang te Timanem se kenamay aw temanan te ogpeanan dan.