Genesis 10:9 - Manobo Sarangani

⁹ Ontò sikandin metomawan egpemanà pineokit te tabang te Timanem, aw yan se doun te eg-ikagi den se menge otaw, “Inangen ka peden te Timanem ontò metomawan egpemanà iling ki Nimrod.”

Genesis 10:9 ပူးပေါင်းရင်းမြစ်များ

Genesis 27:30

Penga te pegtawal-tawal i Isaac tepad kandin, nesayo si Jacob, aw dimateng si Esau lekat te pegdansal din.

Genesis 25:27

Pegketelaki te didowa dan, migketomawan si Esau aw gayed eglegeb doton te kebenesan. Meneng netelek si Jacob, aw gayed sikandin netingen medapag te tolda inogpaan dan.

Genesis 13:13

Ontò medaet se eg-inangen te menge tege Sodoma. Ontò medaet se salà eg-inangen dan diyà te Timanem.

Genesis 6:11

Netegahan te Timanem te medaet se kedita te doma otaw dini lanto te tanà, aw doen samok doton te kedita te ogpeanan.

Genesis 6:4

Dalem te aldaw sìyan te pegpengognan te menge sakop te Timanem diyà te menge bayi aw pegbatà dan, aw pengkey pa te pegkepenga niyan, doen menge telandig iningedanan Nefilim. Ontò dan nedengeg gebii, so dakel se nebatog dan.

Genesis 10:8

Doen batà meama i Cus iningedanan ki Nimrod, aw sikandin se tagnà otaw neinang medengeg tandà te keyseg din.

Genesis 10:10

Pegtebò te peglowan din, limowan sikandin diyà te menge lonsod te Babel, Erac, aw Acad, ditelo lonsod doton te Sinar.