Genesis 10:5 - Manobo Sarangani

⁵ Sikandan se menge kemonaan te kedita te otaw eg-ogpà medapag te dagat aw doton te menge polò. Yan se menge bowad-bowad i Japet. Mig-ogpà se tegsebad-sebad pongan doton te kandan ogpeanan, aw doen heman kagi te tegsebad-sebad pongan.

Genesis 10:5 ပူးပေါင်းရင်းမြစ်များ

Genesis 10:20

Yan se menge bowad-bowad i Ham. Mig-ogpà se tegsebad-sebad pongan dan doton te kandan ogpeanan, aw doen heman kagi te tegsebad-sebad pongan.

Genesis 10:25

Dowa se batà i Eber. Iningedanan se kakay ki Peleg (kelebadan niyan, netani), so pegtebaw din, netani-tani se kedita te otaw dini lanto te tanà. Iningedanan se adi din ki Joctan.

Genesis 10:4

Se menge bowad-bowad i Jaban, yan si Elisa, si Tarsis, aw menge tege Kiti aw tege Dodani.

Genesis 10:6

Se menge batà meama i Ham, yan si Cus, si Ehipto, si Put, aw si Canaan.

Genesis 9:19

Se ditelo batà i Noe sìyan, yan se menge kemonaan te kedita te otaw eg-ogpà dini te keneyonan.

Genesis 10:32

Menge bowad-bowad i Noe se kedita niyan, aw doen pongan aw pamilya te tegsebad-sebad kandan. Penga te pegkelinep te tanà te wayeg, se kedita te otaw diyà te tegsebad-sebad pongan te keneyonan, yan se menge bowad-bowad te menge batà i Noe.