Genesis 1:11 - Manobo Sarangani

¹¹ Penga niyan, minikagi se Timanem, “Megkedoen medita kemolò te tinemunun kidoen te tanà, aw medita kemolò te kayo. Megkedoen pongo niyan doen didalem amon todà iyan tomobò.” Neinang iyan.

Genesis 1:11 ပူးပေါင်းရင်းမြစ်များ

Genesis 1:12

Timobò se medita kemolò te tinemunun doen benì, aw medita kemolò te kayo doen pongo. Kinità te Timanem te mèpiya iyan.

Genesis 1:29

Minikagi heman se Timanem, “Ibegay ko diyà kenyo se kedita te tinemunun doen benì dini te tanà aw kedita te kayo doen pongo amon doen kànen niyo.

Genesis 2:16

Migpunù se Timanem diyà kandin, “Mepakay aw kànen no se pongo te kedita te kayo kidoen te kekeyowan,

Genesis 2:5

wedad pa tinemunun dini te tanà, aw wedad heman timobò, so wedà pa peodani te Timanem se tanà, aw wedad pa otaw migpawà.

Genesis 2:9

Impetilles te Timanem se medita kemolò te kayo kidoen. Mèpiya iyan tengtengen, aw mèpiya heman se pongo niyan. Dowa se kayo intanem din diyà te tengà-tengà te kekeyowan, aw yan se kayo egpemegay te pedowan wedad temanan aw kayo egpemegay te kebiyasa tepad te mèpiya aw medaet.

Mat. 3:10

Iling kaw te kayo agpet pilayen. Aw kenà mèpiya se pongo te kayo, pilayen iyan aw sonogen.

Mat. 6:30

So ininang te Timanem mèpiya se bawa te bolak te kebenesan pengkey sonogen iyan te eked kenamay, labi pa metoman se peg-ipat din kenyo. Meneng wedà pa kedì kelobos se pegsalig niyo kandin.

Mar. 4:28

Gayed tomilles se itanem kidoen te tanà, so onà tomobò, aw penga niyan domawen, aw penga niyan mongo iyan.

1 Korinto 15:38

Timanem se egpemallì aw eden se tomobò lekat te benì ipegpanggas niyo, so pengkey eden kemoloi te benì se ipanggas niyo, gayed iyan tomobò.

Menge Hebreo 6:7

Ipolingun ko se kedita te otaw iling te pawà gayed eg-odanan. Mèpiya se pawà egtoboan te menge tinanem, so doen kekemowan te otaw menanem kidoen. Aw iling kenyan se otaw, begayan dan te Timanem te ontong.

Santiago 3:12

Wedad heman kayo igira egpongo te olibo. Wedad heman belagen te paras egpongo te igira. Wedad heman wayeg seloken diyà te dagat.