Genesis 1:1 - Manobo Sarangani

¹ Diyà te keteboan te kedita, mig-inang se Timanem te langit aw keneyonan.

Genesis 1:1 ပူးပေါင်းရင်းမြစ်များ

Mat. 11:25

Penga niyan, migtawal-tawal si Jesus, kagi din, “Amà, Pengolo te kedita doton te langit aw dini heman te lanto te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel ontò netegahan, meneng impetaga-taga no den iyan diyà te otaw medanà.

Mar. 13:19

so ontò medaet se kelimahan domateng diyà te keneyonan. Wedad palos kelimahan labi pa medaet diyà kenyan lekat te peg-inang te Timanem te keneyonan lamig seini, aw wedad palos heman kelimahan domateng labi pa medaet diyà kenyan.

Ininang 14:15

“Ikà niyo egdogsò kenami. Kenà kay timanem, meneng otaw kay heman iling kenyo. Dimini kay amon megtoladà kay kenyo te kagi te Timanem, amon lomengà kaw te pegsalig diyà te kenà benal timanem aw somalig kaw diyà te Timanem wedad temanan din, so sikandin se mig-inang te langit, aw tanà, aw dagat, aw kedita heman niyan.

Ininang 17:24

Eked sikandin peg-ogpà diyà te lowang te simbahan inangen te otaw, so sikandin se mig-inang te keneyonan aw kedita niyan, aw sikandin se Pengolo te kedita doton te langit aw dini heman te tanà.

Ininang 4:24

Pegdineg dan kenyan, migtawal-tawal se kedita dan diyà te Timanem, kagi dan, “E Pengolo, sikona se Timanem mig-inang te langit, aw tanà, aw dagat, aw kedita heman niyan.

Roma 11:36

Sikandin se mig-inang te kedita, aw pineokit te tolos din, egbayà-bayà sikandin te kedita te ininang din. Iduyun heman sikandin pineokit te kedita niyan. Iduyun sikandin te wedad temanan. Metoman iyan.

1 Korinto 8:6

meneng diyà kenitadon egpemenal, olò sebad se Timanem Amay. Sikandin se eglekatan te kedita aw egtekingan tadon. Sebad heman se Pengolo tadon aw yan si Jesu Cristo. Pineokit kandin, ininang te Timanem se kedita, aw pineokit kandin, mekepedapag kidon diyà te Timanem.

Efeso 3:9

Insogò a din amon ipetaga-taga ko diyà te kedita te otaw aw eden se tod te Timanem mig-inang te kedita. Wedà din petega-tegahi diyà te otaw gebii aw eden se tod din,

Menge Hebreo 1:10

Doen heman sebad kagi te Timanem diyà te Batà din, “Te keteboan, sikona Pengolo se mig-inang te tanà. Sikona heman se mig-inang te kedita doton te langit.

Menge Hebreo 1:2

Meneng songkani, sebad den se ininang te Timanem, so pineokit te Batà din si Jesu Cristo se peg-ikagi din kenitadon. Pineokit heman ki Jesu Cristo se peg-inang te Timanem te keneyonan. Sikandin heman se pinemallì te Timanem amon menig-apò te kedita.

Menge Hebreo 11:3

So egsalig kidon diyà te Timanem, netegahan tadon te olò sikandin minikagi aw yan ininang din se keneyonan, aw eked kitai se ginamit din te peg-inang din te kedita egkitaen tadon.

Menge Hebreo 3:4

Aw doen balay, doen heman otaw mig-inang te balay. Timanem se mig-inang te kedita.

2 Pedro 3:5

Meneng se otaw mikagi kenyan, komulu dan te kebenalan seini. Gebii te peg-inang te Timanem te kedita, olò sikandin minikagi aw yan ininang din se langit aw tanà. Ininang din se tanà diyà te tengà-tengà te dagat, aw ipegpetilles din se kedita pineokit te wayeg.

1 Juan 1:1

Gebii te wedà pa inangi se keneyonan, tapay den doen si Cristo iningedanan Kagi te Timanem. Sikandin se egpemegay te kaling pedowan wedad temanan. Pegpekeotaw din dini te tanà, dinineg day se kagi din, aw ontò day heman sikandin kinità, aw pinemàdan day heman sikandin.

Impekità 10:6

Migsapà sikandin te ngadan te Timanem eked palos kematay, sìyan mig-inang te langit, aw tanà, aw dagat, aw kedita niyan. Migsapà sikandin te eked den libà-libai se pegtoman te kedita,

Impekità 14:7

Timawal sikandin te dakel se kagi din, “Segmani niyo se Timanem. Duyuni niyo heman sikandin, so dimateng den se aldaw te ipelumun din se kedita te poon din. Keilangan simbahen niyo sikandin mig-inang te langit, aw tanà, aw dagat, aw kedita te wayeg.”

Impekità 21:6

Minikagi heman sikandin, “Netoman den se kedita. Siaken se Alpa aw Omiga, so siaken se gayed doen lekat te keteboan lamig te temanan. Aw melao se otaw, ipeinem ko dan kidoen te selep doen wayeg egpemegay te pedowan wedad temanan, aw eked ko heman iyan pebeyadi.

Impekità 22:13

Siaken se Alpa aw Omiga, siaken se keteboan aw temanan te kedita, so monà a pa diyà te kedita, aw modi a pa heman diyà te kedita.”

Impekità 3:14

Minikagi heman sikandin, “Solat ka heman te anghil egtonggò te menge sakop te simbahan kidoen te Layodisiya. Seini se kagi isolat nikaw. ‘Seini se kagi ko kenyo. Siak se ontò egkeseligan. Ontò benal se ipegtoladà ko. Siak se pengolo te kedita te ininang te Timanem.

Impekità 4:11

“E Pengolo day Timanem, melangkaw ka, Aw yan keilangan iduyun ka, aw segmanen ka, aw toloen ka te kedita, So sikona se mig-inang te kedita, aw Lekat te kamno ibeg, ininang no se kedita te doen seini.”