Galasya 5:3 - Manobo Sarangani

³ Ibeg ko, ontò niyo ini eneng-enengen. Pengkey sinu se somalig te punù ingkeliwat i Moises amon meg-aneng-aneng se Timanem te metòlid sikandin, kenà olò punù tepad te pegtolì se toloen din, meneng keilangan toloen din se kedita te punù ingkeliwat i Moises.

Galasya 5:3 ပူးပေါင်းရင်းမြစ်များ

Galasya 3:10

Meneng se kedita te otaw meibeg eneng-enengen te Timanem te metòlid dan pineokit te pegtolò dan te punù ingkeliwat i Moises, yan se ipelumun te Timanem. So doen kagi te Timanem insolat, “Ipelumun te Timanem se kedita te otaw kenà ontò egtolò te kedita te punù insolat i Moises.”

Roma 2:25

Sikiyo menge Judiyo, aw tomolò kaw te punù ingkeliwat i Moises, benal doen ontong te pegpetolì niyo. Meneng aw lomàpang kaw te punù ingkeliwat i Moises, wedad ontong niyo pengkey tinolì kaw, so neinang kaw iling te otaw wedà tolii kenà egtolò te punù ingkeliwat i Moises.

Efeso 4:17

Nayan, seini se ipunù ko kenyo lekat te Pengolo tadon. Ikà niyo den egtaking te ketanem te otaw kenà egtaking te Timanem, so wedad ontong te aneng-aneng dan.

Mat. 23:18

Egtoladà kaw heman te mepakay aw tomalis se otaw te pakang din aw olò megsapà te sonoganan te ayam-ayam ibegay diyà te Timanem. Meneng egtoladà kaw te keilangan tomanen te otaw se pakang din aw megsapà te ayam-ayam sonogen kidoen.

1 Juan 4:14

Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

1 Tesalonika 4:6

Yan keilangan wedad palos otaw meg-inang te salà tepad kenyan aw meglegawa te doma otaw. Yan se impunù day kenyo kedengan, so ipelumun te Timanem se otaw eg-inang te medaet iling kenyan.

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Ininang 2:40

Nenamay pa minikagi si Pedro diyà kandan. Migpunù sikandin, kagi din, “Ikà niyo egdoma te kedomaan niyo eg-inang te medaet, amon eked kaw pelumuni.”

Luc. 16:28

Doen pa lima kedowa ko, aw ibeg ko indanan din dan te keilangan megselsel dan te salà, amon eked dan heman peibingi dini te kededàtan.’

Mat. 23:16

“Mekelelayò kaw, so iling kaw te otaw bota megtelaman mengibing te doma otaw. Egtoladà kaw te mepakay aw tomalis se otaw te pakang din aw olò megsapà te dakel simbahan dini te Jerusalem. Meneng egtoladà kaw te keilangan tomanen te otaw se pakang din aw megsapà te bolawan impalas te dakel simbahan.

Ininang 15:1

Nayan, doen menge otaw egpemenal dimateng lekat te Judiya kidoen te Antyokya aw migtoladà dan, kagi dan, “Eked kaw pekelowà lekat te salà niyo singed aw tolien kaw aw tomolò kaw te kedita te punù ingkeliwat i Moises.”

Galasya 5:2

Penenelani niyo se kagi ko seini. Simpana punù ingkeliwat i Moises se seligan niyo amon meg-aneng-aneng se Timanem te metòlid kaw, wedad ontong te pegpemenal niyo ki Cristo.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.