Galasya 4:4 - Manobo Sarangani

^4-5 Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.

Galasya 4:4 ပူးပေါင်းရင်းမြစ်များ

Roma 1:3

Yan se Mèpiya Indan tepad te Batà din si Jesu Cristo migpekeotaw aw timebaw sebad bowad-bowad te selotan gebii si David.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Mar. 1:15

Minikagi sikandin, “Netoman den se aldaw tapay impakang, aw agpet den lomowan se Timanem diyà kenyo. Pegselsel kaw den te menge salà ininang niyo, aw pemenal kaw den te Mèpiya Indan.”

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Mat. 1:23

“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)

1 Juan 4:14

Kinità day se Batà te Timanem migpekeotaw, aw mekeikagi kay te benal sikandin insogò te Timanem Amay amon megpelowà te kedita te otaw lekat te salà.

Efeso 1:10

Aw domateng se aldaw, tomanen te Timanem se tod din. Pegsebaden din se kedita te ininang din, pengkey doton diatas te langit aw dini lanto te tanà, aw ipelowan din si Cristo diyà te kedita niyan.

Luc. 2:7

Yan timebaw se penganay batà din meama. Linempingan din se batà, aw impeibat din diyà te kènanan te ayam-ayam kidoen te kelokob, so wedad keombaan dan doton te balay eg-ogpaan te mepanaw.

Roma 8:3

So medaet se pedowan tadon, eked kidon peketolò te menge punù ingkeliwat i Moises. Meneng tinebangan kidon te Timanem, so insogò din se Batà din dini te tanà. Migpekeotaw sikandin amon ipelumun tandà te salà tadon. Pineokit te pegkematay din, wedad den eneg te salà, aw eked kidon den keleges tomaking te medaet ibeg te pedowan tadon.

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Juan 6:38

Insogò a dini lekat te langit kenà amon inangen ko se kanak ibeg, meneng dimini a amon toloen ko se ibeg te Amay ko simogò kanak.

Menge Hebreo 2:14

Sikitadon doen lawa egkematay se menge batà te Timanem sìyan. Yan migpekeotaw heman si Jesus amon matay sikandin, so pineokit te pegkematay din, dinaeg din den se eglekatan te kemetayun si Satanas.

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Roma 15:8

Ipeaneng-aneng ko den kenyo te insogò te Timanem si Cristo diyà kenami menge Judiyo amon ipetaga-taga din te ontò keseligan se kagi te Timanem, so tinoman i Cristo se impakang te Timanem diyà te menge kemonaan day gebii.

Ininang 1:7

Timaba si Jesus, kagi din, “Eked niyo ketegahi aw kano iyan ketoman, so Timanem Amay ko olò se netaga-taga aw kano iyan, so lekat iyan te kandin ibeg.

Luc. 1:31

Meglaman ka, aw tebawan ka te batà meama. Ingedanan no se batà ki Jesus.

Mat. 3:15

Meneng minikagi si Jesus, “Tomani den se pegbonyag kanak, so keilangan tomoman ki den te kedita te ibeg te Timanem.” Penga niyan, migbonyag si Juan ki Jesus.

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

1 Juan 4:2

Seini se pengilala amon ketegahan niyo aw lekat te Espiritu Santo se itoladà dan. Se otaw mikagi te benal migpekeotaw si Jesu Cristo dini te keneyonan, yan se otaw egtoladà te kagi lekat te Timanem.

Menge Hebreo 9:10

Olò tepad te eg-inangen te otaw se menge punù sìyan, so doen punù tepad te pegkaen, aw peg-inem, aw peglinis te pengkey eden. Keilangan toloen iyan lamig olò te aldaw te peg-inang te Timanem te kaling peokit.

Kolasas 2:14

Kedengan, ipelumun kidon peden te Timanem tandà te peglàpang tadon te menge punù din. Meneng songkani eked kidon din pelumuni, so ginibo din den se lista te menge salà tadon pineokit te pegkematay i Cristo doton te kros.

Roma 9:5

Nedengeg se menge kemonaan dan pinemallì din gebii. Pegpekeotaw te Misiyas, timebaw sikandin diyà te kandan pongan. Sikandin se Timanem eglowan diyà te kedita. Iduyun sikandin te wedad temanan. Metoman iyan.

Juan 8:42

Minikagi si Jesus, “Simpana Timanem se amay niyo, yan kedekelan a niyo peden te pedowan, so pegdini ko, Timanem se linekatan ko. Dimini a kenà lekat te kanak ibeg, meneng insogò a din dini.

Mat. 5:17

“Ikà niyo eg-aneng-aneng te dimini a amon pegwedaden ko se menge punù ingkeliwat i Moises aw insolat te menge telekeliwat te kagi te Timanem gebii. Meneng dimini a amon ipetaga-taga ko se ontò kedegdagan niyan.

Roma 5:6

Kedengan te wedà kidon pa pemenal, neallang kidon te salà. Meneng pegdateng te aldaw pinemallì te Timanem, nematay si Cristo amon megpelowà kenitadon egpekesalà.

1 Timoteo 2:6

Lekat te kandin ibeg, simelilin sikandin kenitadon aw nematay amon ipelowà din se kedita te otaw. Pegdateng te aldaw pinemallì te Timanem, impetaga-taga din pineokit ki Jesu Cristo te doen ibeg din ipelowà se kedita te otaw lekat te salà.

Luc. 20:44

Na, aw minikagi si David te Pengolo din se Misiyas, kenà olò bowad-bowad din se Misiyas, meneng Pengolo din heman.”