Galasya 4:3 - Manobo Sarangani

³ Iling kidon kenyan. Te wedà pa dateng si Cristo, iling kidon te batà deitek. Eked kepakay aw eked tadon toloi se ketanem te kemonaan tadon aw ibeg te otaw dini te keneyonan.

Galasya 4:3 ပူးပေါင်းရင်းမြစ်များ

Kolasas 2:20

So migpesakop kaw diyà ki Cristo, iling te nematay kaw heman sipat kandin. Impelowà kaw din heman lekat te pegkeallang niyo diyà te ketanem te otaw dini te keneyonan. So kenà kaw den allang niyan, ikà niyo eg-aneng-aneng te keilangan tomolò kaw te menge punù iling kani.

Kolasas 2:8

Peg-ahà kaw te menge otaw meg-akal peden kenyo pineokit te kagi dan medalem aw mèpiya dinegen amon tomaking kaw kandan. Meneng wedad ontong te kagi dan, so egtoladà dan olò te ketanem te kemonaan dan gebii aw aneng-aneng te otaw tepad te keneyonan. Kenà lekat ki Cristo se ipegtoladà dan.

Galasya 4:9

Meneng songkani, so netegahan niyo den se benal Timanem, aw netegahan kaw din den heman, ikà niyo todà egtaking te ibeg te otaw aw ketanem nekeallang kenyo kedengan.

Galasya 2:4

Meneng doen menge doma Judiyo eden dan aw netegahan dan se kebenalan. Migsimà dan kenami te pegtipon day amon ketegahan dan aw egtoloen te otaw nemenal ki Jesu Cristo se punù ingkeliwat i Moises, so ibeg dan, toloen tadon se punù sìyan. Meneng si Cristo man se tapay migpelowà kenitadon lekat te punù sìyan.

Galasya 4:31

Menge kedowa ko, kenà kidon den iling te batà te allang, so keilangan tomolò se allang. Meneng iling kidon den te batà te kenà allang, so mepakay aw eked kidon den tolò te punù ingkeliwat i Moises.

Ininang 15:10

Meopal besi se Timanem aw ipetolò niyo dan te ontò melima, so wedà iyan kebatog te kemonaan tadon, aw eked kidon heman pekebatog kenyan.

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

Juan 8:31

Minikagi si Jesus diyà te menge Judiyo nemenal kandin, “Aw ebey kaw tomolò te itoladà ko, meinang kaw ontò tinoledaan ko.

Menge Hebreo 7:16

Ininang Telekagon tadon si Cristo kenà pineokit te punù tepad te pongan te kemonaan din, meneng ininang sikandin Telekagon tadon so doen pedowan din metolos wedad temanan.

Galasya 4:25

Se bontod te Sinay doton te Arabya, yan se iningedanan Agar te menge otaw kidoen. Se pigpolingunan dan te allang seini, yan se menge Judiyo, so allang si Agar sipat menge batà din, aw neallang heman se kedita te Judiyo egtaking te punù ingkeliwat i Moises.

Galasya 3:19

Na, pengkey benal wedad otaw eneng-enengen te Timanem te metòlid dan pineokit te pegtolò te punù ingkeliwat i Moises, kenà aw wedad kekemowan te punù sìyan. Impekeliwat te Timanem se punù din diyà te menge Judiyo amon ketegahan te kedita te otaw te okomen din dan so nekeinang dan te medaet. Se kenamay te pegtolò te punù ingkeliwat i Moises, taman olò te pegdateng te sìyan sebad bowad-bowad i Abraham impakang. Pegpemegay te Timanem te punù sìyan, in-indan din iyan diyà te menge anghil. Penga niyan, ingkeliwat dan iyan diyà ki Moises, aw penga niyan sikandin se migkeliwat heman kenyan diyà te kedita te Judiyo.

Mat. 11:28

“Aw migkelomay kaw den tandà te pegpengibing niyo te ontò mebegat kidoen te pedowan niyo, diyà kaw den kanak, so ebaten ko iyan diyà kenyo amon mekeetod kaw den.

Roma 7:14

Netegahan tadon te mèpiya se punù te Timanem so lekat iyan kandin. Meneng doen pa medaet ibeg te pedowan ko. Iling a te allang so eg-inang a te salà.

2 Korinto 11:20

so mepakay diyà kenyo aw ellangen kaw dan, aw ebaten dan se kwarta niyo, aw egawen dan se kedònan niyo. Aw lomowan dan kenyo, pengkey menampak dan kenyo, mepakay diyà kenyo.

Galasya 4:2

Iling te allang se batà sìyan, so dalem te deitek pa sikandin, keilangan tomolò sikandin te otaw tapay pinemallì te amay din làno meg-ipat kandin aw megtonggò te kedònan aw tanà, lamig te aldaw tapay pinemallì te amay te pegbegay kenyan diyà kandin.

Galasya 4:8

Na, kedengan te wedà niyo pa ketegahi se Timanem, neallang kaw te kenà benal timanem egtekingan niyo.

Galasya 4:24

Na, se in-indan ko seini gina, iling te sebad polingun. Se dowa bayi seini, yan se impolingun te dowa peokit. Se sebad peokit, yan se impolingun ki Agar, so allang sikandin. Yan se pakang lekat te bontod iningedanan Sinay, so yan se pinunuan te Timanem te punù ingkeliwat i Moises. Iling te neallang se kedita te otaw tomaking kenyan.

Menge Hebreo 5:12

So nenamay kaw den migpesakop diyà ki Cristo, yan biyasa kaw den peden megtoladà te doma otaw. Meneng sikiyo se keilangan todà toledaan te tagnà intoladà kenyo lekat te kagi te Timanem. Iling kaw te batà olò egsoso aw eked pa pekekaen te pengelapen.