Galasya 3:2 - Manobo Sarangani

² Netegahan niyo den te nekekinawà kaw te Espiritu Santo kenà pineokit te pegtolò niyo te punù ingkeliwat i Moises. Meneng nekekinawà kaw te Espiritu Santo pineokit te pegpemenal niyo te intoladà ko tepad ki Jesus.

Galasya 3:2 ပူးပေါင်းရင်းမြစ်များ

Galasya 3:14

Pineokit te pegkematay i Jesu Cristo, se kèpiyaan impakang te Timanem ki Abraham gebii, yan se minapet den diyà te kedita te otaw pengkey kenà Judiyo, amon mekekinawà kidon te Espiritu Santo, sìyan impakang te Timanem ibegay diyà te kedita te otaw memenal.

Ininang 15:8

Netegahan te Timanem aw melobos se pedowan te kedita te otaw. Impetaga-taga din te sinakop din den se menge otaw kenà Judiyo pineokit te pegpemegay din te Espiritu Santo diyà kandan onawa te pegpemegay din diyà kenitadon kedengan.

Galasya 3:5

Timanem se egpemegay kenyo te Espiritu Santo, aw sikandin se eg-inang te kepelahan doton kenyo. Se peg-inang din kani diyà kenyo, kenà pineokit te pegtolò niyo te punù ingkeliwat i Moises, meneng pineokit te pegpemenal niyo te intoladà tepad ki Jesus.

Menge Hebreo 2:4

Pineokit te menge kepelahan aw menge inang din metolos, impetaga-taga heman te Timanem te keseligan se kagi din ingkeliwat dan. Lekat te kandin ibeg, inteped din heman kandan se menge kemolò te kebiyasa ipegpemegay te Espiritu Santo.

Ininang 8:15

Pegdateng dan doton, migtawal-tawal dan diyà te Timanem amon domateng se Espiritu Santo kandan,

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

Menge Hebreo 6:4

Mèpiya aw megpedeleg kidon amon eked kidon peketinàyog te Timanem, so aw tominàyog se menge otaw te Timanem tapay nenedaman dan, eked dan todà pekeselsel. Pengkey tapay dan netaga-taga te kebenalan, pengkey doen imbowang te Timanem kandan aw doen heman ininang te Espiritu Santo kandan, pengkey netaga-taga dan te mèpiya se kagi lekat te Timanem, aw kinità dan se menge kepelahan iling te meinang te modi aldaw, meneng aw tominàyog dan te Timanem tapay nenedaman dan, eked dan todà pekeselsel. Eked dan iyan kebatog so nekeiling dan te menge otaw miglansang te Batà te Timanem doton te kros, aw egyèyaen dan sikandin diyà te menge doma otaw.

Roma 1:17

Pineokit te Mèpiya Indan tepad ki Cristo, impetaga-taga te Timanem te eneng-enengen din te metòlid se otaw aw memenal dan, so doen kagi te Timanem insolat gebii, kagi din, “Se menge otaw eneng-enengen te Timanem te metòlid dan pineokit te pegpemenal dan, yan se begayan te Timanem te kaling pedowan wedad temanan.”

1 Pedro 1:12

Meneng impetaga-taga te Timanem kandan te eked ketoman se kagi din ingkeliwat dan tepad ki Cristo te eked dan pa kematay, meneng sikitadon se netomanan te kagi te Timanem ingkeliwat dan. Netoman den iyan aw yan se intoladà diyà kenyo. Se menge otaw migtoladà kenyo te Mèpiya Indan sìyan tepad ki Cristo, tinoledaan dan te Espiritu Santo insogò din lekat te langit. Ontò mèpiya se kebenalan sìyan igsà ibeg te menge anghil metaga-taga dan peden heman tepad kenyan.

2 Korinto 11:4

Netetana a aw menenalan kaw te menge otaw domoton kenyo megtoladà te doen doma egpelowà kenà si Jesus, sìyan intoladà ko den kenyo. Egtoladà dan te doen sebad kemolò Espiritu Santo aw Mèpiya Indan kenà iling te pinemenalan niyo kedengan. Nepela a, so neibeg kaw te migtoladà dan kenyan.

1 Korinto 9:21

Aw menge otaw kenà Judiyo se toledaan ko, tomaking a heman kandan te eked tolò te punù ingkeliwat i Moises, amon memenal heman se menge otaw kenà Judiyo ki Cristo. Meneng kenà te linèpangan ko se punù te Timanem, meneng se kebenalan, timolò a man ki Cristo.

Galasya 3:3

Ikà niyo eg-iling te menge otaw wedad inenengen. Pegtebò niyo nemenal, tinebangan kaw te Espiritu Santo. Meneng eden niyo aw meg-aneng-aneng se Timanem te metòlid kaw pineokit te pegsalig niyo te punù ingkeliwat i Moises.

Menge Hebreo 4:2

Inindanan kidon den te mèpiya indan, onawa te in-indan diyà te menge kemonaan tadon Judiyo gebii. Meneng pengkey dimineg dan kenyan, wedad ontong dan, so wedà dan pemenal kenyan.