Galasya 2:9 - Manobo Sarangani

⁹ Si Santiago, si Pedro, aw si Juan ekon se melangkaw diyà te kedita dan menge sogounun i Cristo. Mig-aneng-aneng dan te insogò a te Timanem. Migsebad se pedowan te kedita day menge sogounun i Cristo te mèpiya aw yan se inangen day si Bernabe se megtoladà te menge otaw kenà Judiyo, aw yan se kandan inangen se megtoladà te menge Judiyo. Yan migpeelimenoway kay doton, so migsebad se pedowan te kedita day kenyan.

Galasya 2:9 ပူးပေါင်းရင်းမြစ်များ

Roma 12:3

Tandà te pegsogò te Timanem kanak, doen den ipunù ko diyà te kedita niyo egpemenal. Ikà niyo egpelangkaw-langkaw. Meneng keilangan metòlid se aneng-aneng niyo tepad te mebatog niyo inangen tandà te kebiyasa imbegay te Timanem kenyo te pegsalig niyo diyà kandin.

Impekità 3:12

Se kedita te otaw eked dàgi te kededàtan, yan se inangen ko medengeg, so inangen ko dan iling te dimasel tollok kidoen te dakel simbahan te Timanem kidoen te langit. Gayed dan meg-ogpà kidoen, aw solatan ko dan te ngadan te Timanem Amay ko, aw ngadan heman te lonsod eg-ogpaan te Amay ko, sìyan iningedanan Kaling Jerusalem megpedanà lekat te langit aw lekat te Timanem. Solatan ko dan heman te kaling ngadan ko.

Galasya 2:2

Dimoton a te Jerusalem, so yan se ibeg te Timanem impetaga-taga din kanak. Pegdateng day doton, migtipon se kedita day menge sogounun i Cristo doton te kesikmihan. In-indan ko kandan se Mèpiya Indan tepad ki Cristo gayed ko ipegtoladà diyà te menge otaw kenà Judiyo. Eg-ikagi a, se otaw memenal ki Jesus, yan se otaw doen kelowaan lekat te salà, kenà pineokit te pegtolò te punù ingkeliwat i Moises. In-indan ko iyan amon ketegahan te menge doma sogounun i Cristo te metòlid se intoladà ko, aw amon eked dan peg-aneng-aneng te kolang se pegtoladà ko te menge otaw kenà Judiyo.

Roma 1:5

Pineokit kandin, tinebangan a te Timanem aw ininang a din sogounun i Cristo megtoladà te kedita te otaw pengkey kenà Judiyo. Ibeg din memenal se kedita te otaw ki Cristo aw tomolò dan kandin, aw iduyun dan sikandin.

1 Juan 1:3

Se ontò day kinità aw dinineg, yan se ipegtoladà day heman kenyo, amon makop kaw heman diyà kenami, so migpesigelakay kay te Timanem Amay aw Batà din si Jesu Cristo.

Efeso 3:8

Pengkey siak se ontò medanà diyà te kedita te sakop te Timanem, meneng pinemallì a din amon megtoladà kenyo menge otaw kenà Judiyo tepad te ontò mèpiya tabang i Cristo kenitadon eked tadon ontò kelebeti.

1 Timoteo 3:15

Meneng aw meanggà a, pineokit te solat ko seini, ketegahan no aw eden se mèpiya inangen tadon menge batà te Timanem. Sikitadon se otaw egsimba te Timanem wedad temanan din. Iling kidon te tollok te balay din, so sikitadon se sineligan din te kebenalan.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

Efeso 2:20

Se kedita tadon egpemenal, iling kidon te balay, aw iling te tollok te balay se menge sogounun i Cristo aw menge telekeliwat te kagi te Timanem. Si Jesu Cristo se iling te bato pinetindegan te balay sìyan.

2 Korinto 8:4

so ontò dan nemoyò diyà kanak aw mepakay dan memegay te bowang diyà te menge doma sakop te Timanem nelimahan.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

Roma 15:15

Meneng wedà a pegketalaw te pegsolat ko kenyo amon eked niyo kelibeli se kagi ko. Tandà te tabang te Timanem kanak,

Ininang 15:13

Pegkepenga niyan, minikagi si Santiago, “Menge kedowa ko, penenalan kaw kanak.

Ininang 15:7

Nenamay dan migpebelaw-belaway. Penga niyan, timindeg si Pedro aw minikagi, “Menge kedowa ko, netegahan niyo den besi te siak se pinemallì te Timanem diyà te kedita tadon amon megtoladà a te Mèpiya Indan diyà te menge otaw kenà Judiyo amon memenal dan.

Ininang 4:36

Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)

Mat. 16:18

Eneng-enengi se kagi ko kamno seini. Iling ka te bato dimasel tandà te pegsalig no kanak, aw medita se otaw tomaking kamno aw megpesakop diyà kanak. Eked dan dàgi te tolos te kemetayun.

Luc. 22:8

Simogò si Jesus ki Pedro aw si Juan, kagi din, “Peg-inang kaw den te kànen tadon te Pista te Pegpelowà.”

Juan 1:42

Impetaking din se kakay din doton ki Jesus. Pegkità i Jesus kandin, minikagi, “Sikona si Simon, batà i Juan. Meneng ingedanan ka ki Cefas.” (Onawa se kelebadan te ngadan Cefas aw Pedro, yan se kagi “Bato.”)

Ininang 12:17

Intakyaw i Pedro se belad din amon mepenek dan, aw in-indan din diyà kandan se pegpelowà te Pengolo kandin lekat te keleboso. Minikagi heman sikandin, “Indani niyo si Santiago aw menge doma otaw egpemenal.” Penga niyan, nesayo si Pedro aw dimoton te doma ogpeanan.

2 Korinto 11:5

Na, tepad te sìyan menge otaw doton kenyo eg-ikagi te sikandan se ontò benal sogounun i Cristo, eden niyo aw sikandan se labi pa melangkaw diyà kanak.

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.

Galasya 1:16

Impekità te Timanem kanak se Batà din amon itoladà ko doton te menge otaw kenà Judiyo. Penga niyan, wedad otaw dinotonan ko amon megtoladà kanak.

Galasya 1:18

Wedà a doton te Jerusalem lamig nepenga se telo se omay. Miglegeb a doton ki Pedro. Olò dowa simana se kenamay ko mig-ogpà doton kandin.

Galasya 2:1

Penga te sempolò teg epat se omay, limikò a doton te Jerusalem. Timaking kanak si Bernabe, aw impetaking day heman si Tito.

Galasya 6:3

Aw aneng-aneng te otaw eked sikandin keboyo te medaet, yan se lekatan te kedegdagan din pesalo te kededàtan, so neekalan sikandin.