Galasya 2:4 - Manobo Sarangani

⁴ Meneng doen menge doma Judiyo eden dan aw netegahan dan se kebenalan. Migsimà dan kenami te pegtipon day amon ketegahan dan aw egtoloen te otaw nemenal ki Jesu Cristo se punù ingkeliwat i Moises, so ibeg dan, toloen tadon se punù sìyan. Meneng si Cristo man se tapay migpelowà kenitadon lekat te punù sìyan.

Galasya 2:4 ပူးပေါင်းရင်းမြစ်များ

Judas 1:4

Yan simolat a den kenyo so doen den menge otaw kenà egpemenal te Timanem minakop diyà kenyo te wedà niyo ketegahi. Tinodà dan se kebenalan tepad te keido te Timanem, so egtoladà dan te mepakay aw meg-inang kaw te medaet so gayed kaw egkeidowan te Timanem. Kenà dan egpemenal te Pengolo tadon si Jesu Cristo eglowan diyà kenitadon. Simolat se menge telekeliwat te kagi te Timanem gebii aw eden se pelumun domateng kandan.

Galasya 5:1

Wedà kidon den keallang te punù ingkeliwat i Moises, so impelowà kidon den i Cristo lekat kidoen. Ikà niyo egkelibel kenyan. Ikà niyo heman todà egpeallang.

Galasya 4:3

Iling kidon kenyan. Te wedà pa dateng si Cristo, iling kidon te batà deitek. Eked kepakay aw eked tadon toloi se ketanem te kemonaan tadon aw ibeg te otaw dini te keneyonan.

2 Korinto 11:26

Medita se kelimahan neokitan ko te peglegeb. Egbatas a te miglaneg. Egkità a te menge megdedempasay. Doen menge Judiyo aw menge otaw kenà Judiyo ibeg mengimatay kanak. Medita se kelimahan neokitan ko doton te lonsod, aw doton te wedad otaw eg-ogpà, aw diyà te dagat. Pinemilang a heman te otaw egpelingo-lingo te egtaking dan ki Cristo.

1 Juan 4:1

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.

2 Pedro 2:19

Egtoladà dan te doen kelowaan te kedita te otaw tomaking kandan so mepakay dan meg-inang te pengkey eden se ibeg dan. Meneng sikandan se neallang te kededàtan, so pengkey eden se egbayà-bayà te otaw, yan se mekeallang kandin.

2 Timoteo 3:6

Doen heman kandan egdoton te menge balay eg-ogpaan te menge bayi kenà melobos se pedowan dan diyà te Timanem. Nelegeb se menge bayi sìyan te salà aw egbeyà-beyaan dan te menge ibeg te pedowan dan medaet. Yan se doun te egkeekalan dan,

Galasya 5:10

Aneng-aneng ko, memenal kaw te kagi ko kenyo seini, so telekedowa kidon den pineokit te Pengolo tadon. Meneng pengkey sinu se megbulung te aneng-aneng niyo, yan se otaw ipelumun te Timanem.

2 Korinto 11:20

so mepakay diyà kenyo aw ellangen kaw dan, aw ebaten dan se kwarta niyo, aw egawen dan se kedònan niyo. Aw lomowan dan kenyo, pengkey menampak dan kenyo, mepakay diyà kenyo.

2 Korinto 11:13

Se menge otaw sìyan, kenà dan benal sogounun i Cristo. Mig-akal dan kenyo pineokit te pegtoladà dan aw pegpelingo-lingo te sikandan se insogò i Cristo.

2 Korinto 3:17

Na, se Pengolo sìyan, yan se Espiritu Santo. Aw kidoen kandan se Espiritu Santo, eked den dan keallang te salà aw pegtolò te punù ingkeliwat i Moises.

Ininang 20:30

Doen heman menge doma niyo megtoladà te kagi kenà benal amon tomaking se menge otaw diyà kandan.

Ininang 15:24

Doen ekon menge otaw lekat dini migsamok kenyo pineokit te pegtoladà dan. Migbulung dan ekon te pedowan niyo. Meneng wedà kay sogò kandan doton kenyo.

Ininang 15:1

Nayan, doen menge otaw egpemenal dimateng lekat te Judiya kidoen te Antyokya aw migtoladà dan, kagi dan, “Eked kaw pekelowà lekat te salà niyo singed aw tolien kaw aw tomolò kaw te kedita te punù ingkeliwat i Moises.”

1 Pedro 2:16

Mepakay aw memallì kaw den aw eden se inangen niyo, meneng ikà niyo eg-aneng-aneng te mepakay aw memallì kaw meg-inang te medaet, so keilangan metòlid se eg-inangen niyo, amon ipetaga-taga niyo te egtolò kaw den te Timanem.

Galasya 4:25

Se bontod te Sinay doton te Arabya, yan se iningedanan Agar te menge otaw kidoen. Se pigpolingunan dan te allang seini, yan se menge Judiyo, so allang si Agar sipat menge batà din, aw neallang heman se kedita te Judiyo egtaking te punù ingkeliwat i Moises.

2 Korinto 11:17

Se ikegiyen ko seini tepad kanak, kenà iyan insogò te Pengolo, meneng iling a den te menge otaw wedad inenengen gayed egduyun te pegkeotawun dan.

Roma 8:15

Pegpemegay te Timanem te Espiritu Santo diyà kenyo, wedà kaw din inangi menge allang din, meneng ininang kaw din menge batà din. Yan se doun te wedad den kelemitanan niyo, so mepakay den aw Amà se itawal tadon te Timanem, so amay tadon den sikandin,

Galasya 1:7

Meneng wedad doma kelowaan te otaw, olò sìyan intoladà day kenyo. Se menge otaw egbulung te aneng-aneng niyo, ibeg dan selilinan se Mèpiya Indan tepad ki Cristo te kebolalaw.

Santiago 1:25

Mèpiya se punù te Timanem, aw yan se mekepelowà te otaw lekat te salà. Se otaw menenalan kenyan aw eked kelibel kenyan meneng gayed egtolò, yan se otaw egbegayan te Timanem te keluba, pengkey eden se inangen din.

Luc. 5:38

Yan keilangan isawol se temek inangen bino diyà te solanan kaling linanit.