Filipos 4:9 - Manobo Sarangani

⁹ Tolò kaw te kedita te intoladà ko kenyo. Peg-iling kaw te kedita te inikagi ko aw ininang ko, aw yan egdomaan kaw te Timanem egpemegay te kelinaw te pedowan.

Filipos 4:9 ပူးပေါင်းရင်းမြစ်များ

Santiago 1:22

Keilangan tomolò kaw te kagi te Timanem. Eked kepakay aw olò niyo penenelanen, aw penga niyan eked niyo iyan soli diyà te aneng-aneng. Aw doen otaw egpenenalan olò meneng kenà egtolò, eden din aw doen ontong din. Iling sikandin te otaw tomengteng te bawa din diyà te ispiho,

Filipos 3:17

Menge kedowa ko, ibeg ko meg-iling se kedita niyo kanak. Sikami se gegonan niyo, aw keilangan peg-ilingan niyo se menge otaw mig-iling kenami.

2 Pedro 1:10

Menge kedowa ko, pinemallì kaw te Timanem aw tinawal kaw din. Yan pegpekeaseb kaw den megpetaga-taga te ontò kaw menge batà din pineokit te eg-inangen niyo, so aw mèpiya se eg-inangen niyo, eked palos pegkedaet se pegsalig niyo diyà kandin.

Juan 13:17

Aw kelebetan niyo se kebenalan intoladà ko den kenyo seini, yan ontò kaw meluba aw tomolò kaw kenyan.

Filipos 4:7

Aw yan se eg-inangen niyo, inangen te Timanem ontò melinaw se pedowan niyo igsà eked iyan kelebeti te otaw. Yan se ikelasag din te pedowan niyo aw aneng-aneng niyo tandà te pegsebad niyo ki Jesu Cristo.

Roma 16:20

Timanem se egpemegay te kelinaw te pedowan, aw sikandin se mekedaeg ki Satanas te eked kenamay amon wedad mebatog din inangen diyà kenyo. Ibeg ko, tebangan kaw te Pengolo tadon si Jesu Cristo.

2 Korinto 13:11

Na, menge kedowa ko, keluba kaw den. Imendayi niyo se peg-ogpà niyo. Toloi niyo se impunù ko kenyo. Pegsebad kaw te pegpemenal aw pedowan niyo. Domaan kaw te Timanem eglekatan te kedakel aw kelinaw te pedowan.

Luc. 6:46

“Eked kepakay aw mikagi kaw te siak se Pengolo niyo singed aw tomolò kaw te ipegtoladà ko kenyo.

Mat. 28:20

Pegtoladà kaw kandan te keilangan tomolò dan te kedita te impunù ko diyà kenyo. Na, gayed a meg-ipat kenyo pengkey lamig te temanan te keneyonan.”

Mat. 7:21

“Kenà kedita te otaw eg-ikagi te siak se pengolo dan se sekopen diyà te peglowan te Timanem, so se otaw egtolò te ibeg te Amay ko Timanem eg-ogpà doton te langit, yan olò se otaw sekopen te Timanem diyà te peglowan din.

2 Tesalonika 3:4

So simalig kay diyà te Pengolo tadon, netegahan day te gayed kaw egtolò te impunù day kenyo.

1 Tesalonika 1:6

Netegahan day te pinemallì kaw te Timanem so neinang kaw iling kenami aw iling heman te Pengolo tadon. Pengkey pinemilang kaw tandà te pegpemenal niyo te kagi te Timanem, meneng binegayan kaw te Espiritu Santo te keluba te pedowan niyo.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.

Roma 15:33

Ibeg ko, tebangan se kedita niyo te Timanem egpemegay te kelinaw te pedowan.

Juan 2:5

Minikagi se inay din diyà te menge sineligan, “Pengkey eden se ipunù din kenyo, tolò kaw.”

Luc. 8:21

Timaba si Jesus, “Se menge otaw domineg te kagi te Timanem aw tomolò kenyan, yan se meinang inay ko aw menge kedowa ko.”

1 Tesalonika 2:14

Menge kedowa day, neinang kaw den iling te menge sakop te Timanem egpemenal ki Jesu Cristo doton te Judiya. Pinemilang dan te menge doma dan Judiyo, aw iling kaw kandan so pinemilang kaw heman te menge doma niyo kenà Judiyo.

1 Korinto 10:31

Nayan, pengkey eden se inangen tadon, pengkey komaen kidon, aw pengkey minem kidon, keilangan iduyun tadon se Timanem pineokit te kedita te inangen tadon.

Ininang 9:6

Tindeg ka aw deleg ka doton te Damasko. Indanan ka aw eden se inangen nikaw.”

2 Timoteo 4:22

Pengolo tadon se gayed meg-ipat kamno. Ibeg ko tebangan te Timanem se kedita niyo.

1 Korinto 14:33

so kenà lekat te Timanem se belisì, meneng sikandin se kelekatan te kelinaw te pedowan. Iling te ketanem te kedita te sakop te Timanem egsimba doton te teg sebad-sebad lonsod,

Juan 15:14

Aw tomolò kaw te menge punù ko kenyo, sikiyo se menge sigalak ko.

1 Juan 3:22

Pengkey eden se pemoyoen tadon diyà kandin, netegahan tadon te mekinawà tadon iyan, so egtolò kidon te menge punù din aw ibeg din.

Mat. 1:23

“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)

1 Korinto 4:16

Se punù ko kenyo, peg-ilingi niyo se eg-inangen ko.