Filipos 3:2 - Manobo Sarangani

² Peg-ahà kaw te menge otaw egtewalen ko menge toyang. Medaet se eg-inangen dan, so egtoladà dan te eked kidon sekopi te Timanem singed aw tomolò kidon te punù ingkeliwat i Moises aw megpetolì kidon.

Filipos 3:2 ပူးပေါင်းရင်းမြစ်များ

2 Korinto 11:13

Se menge otaw sìyan, kenà dan benal sogounun i Cristo. Mig-akal dan kenyo pineokit te pegtoladà dan aw pegpelingo-lingo te sikandan se insogò i Cristo.

Tito 1:16

Pengkey eg-ikagi dan te egtaking dan te Timanem, meneng pineokit te eg-inangen dan, ipegpetaga-taga dan te kenà benal se kagi dan. Eked keibeg se Timanem kandan. Kenà dan egtolò te ipegpunù kandan. Eked dan palos pekebatog se meg-inang te mèpiya.

Impekità 22:15

Meneng se kedita te otaw eg-inang te mekeyàyà, aw egketoigan, aw eglayok te kenà kandan esawa, aw metibonò, aw egsimba te kenà benal timanem, aw kedita te otaw egkebolalaw aw egkeibeg te kebolelawan, yan se eked pekeawop te lonsod.

Galasya 5:15

Meneng aw megpedindilay aw megbolaw kaw, pekeahà kaw amon eked kebàti se pegsebad te pedowan niyo tomaking ki Jesu Cristo.

Filipos 3:19

Meneng metoman dan detengan te pelumun te Timanem, so olò dan eg-aneng-aneng tepad te ibeg te lawa dan. Keilangan meyàyà dan tandà te medaet inang dan, meneng egpelangkaw-langkaw dan. Kenà dan eg-aneng-aneng tepad te Timanem, so olò dan eg-aneng-aneng tepad te keogpà dan dini lanto te tanà.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

Mat. 7:15

“Peg-ahà kaw amon eked kaw keekali te menge otaw egpelingo-lingo telekeliwat te kagi te Timanem. Medaet se tod dan kenyo iling te mebolot menenanap te kebenesan iningedanan lobo egpelingo-lingo iling te ayam-ayam karniro amon megbaet te karniro.

Impekità 21:8

Meneng se kedita te otaw dàgen te kededàtan, aw eked tayod te pegsalig kanak, aw otaw nelegeb te salà, aw metibonò, aw eglayok te kenà kandan esawa, aw egketoigan, aw egsimba te kenà benal timanem, aw egkebolalaw, doen ontong te kedita dan kidoen te lanaw apoy aw esopri, yan se ikedowa kemetayun.”

Impekità 3:9

Nayan, se menge otaw migpesakop diyà ki Satanas, eden dan aw ontò dan Judiyo, so migpelingo-lingo dan olò te egtaking dan kanak. Ipesagman ko dan diyà kenyo amon ketegahan dan te sikiyo se ontò ko egkedekelan te pedowan.

Judas 1:4

Yan simolat a den kenyo so doen den menge otaw kenà egpemenal te Timanem minakop diyà kenyo te wedà niyo ketegahi. Tinodà dan se kebenalan tepad te keido te Timanem, so egtoladà dan te mepakay aw meg-inang kaw te medaet so gayed kaw egkeidowan te Timanem. Kenà dan egpemenal te Pengolo tadon si Jesu Cristo eglowan diyà kenitadon. Simolat se menge telekeliwat te kagi te Timanem gebii aw eden se pelumun domateng kandan.

1 Timoteo 1:19

Yan melobos se pegsalig no diyà te Timanem, aw metibok heman se ibeg no meg-inang te metòlid. Doen menge doma otaw pengkey netegahan dan aw eden se metòlid, meneng wedà dan iyan inangi, aw migkedaet se pegpemenal dan.

Filipos 3:3

Meneng sikitadon se doen pengilala te ontò kidon sakop te Timanem, so egsimba kidon te Timanem pineokit te tabang te Espiritu Santo, aw doen den keluba tadon lekat ki Jesu Cristo. Impelowà kidon den lekat te salà, meneng kenà iyan pineokit te pegtolò tadon te punù ingkeliwat i Moises.

Galasya 5:13

Menge kedowa ko, tinawal kaw te Timanem amon ipelowà kaw din lekat te pegtolò niyo te punù sìyan. Pengkey wedà kaw den keallang kenyan, meneng ikà niyo den eg-aneng-aneng te mepakay aw tomaking kaw te medaet ibeg te pedowan niyo. Meneng pedekelay kaw te pedowan, aw petebangay kaw.

Roma 2:28

Kenà botong aw olò egtaking se menge Judiyo te ketanem te Judiyo, so keilangan melobos se pedowan dan tomaking te Timanem. Kenà heman botong aw olò tolien se menge Judiyo, so keilangan todaen dan heman se ibeg te pedowan dan pineokit te Espiritu Santo, amon tomolò dan te punù ingkeliwat i Moises. Pengkey eked duyuni te doma otaw se Judiyo netodà se pedowan, meneng Timanem se domuyun kandin.

Mat. 7:6

“Pekeimanday kaw te pegtoladà niyo te kebenalan. Eked kaw pemowang te mèpiya diyà te menge toyang, so memangà dan beling kenyo. Eked kaw heman pemegay te pirlas meelagà ipeninga diyà te menge osa, so peglegìtan dan beling iyan.”

Impekità 2:9

Netegahan ko te egtayod kaw te pegpemilang te doma otaw kenyo. Netegahan ko heman te ontò kaw sagkep, meneng meyaman kaw doton te langit. Netegahan ko heman te egbàtan-bàtan kaw te menge Judiyo. Pengkey eg-aneng-aneng dan te ontò dan Judiyo, meneng migpesakop dan diyà ki Satanas.

2 Pedro 2:22

Pineokit kandan, netegahan tadon te benal se eg-ikegiyen seini, “Gayed eglikò se toyang egpengaen te indelowak din.” Benal heman se doma eg-ikegiyen, “Pengkey digosen se osa, meneng todà tomonà doton te pasak.”

Mat. 24:10

Aw metoman iyan, medita se otaw lomengà te pegsalig dan kanak. Megpetolokay dan, aw megpeopalay dan.