Filipos 2:3 - Manobo Sarangani

³ Pengkey eden se inangen niyo, ikà niyo egkedemet. Ikà niyo egpelangkaw-langkaw. Meneng keilangan megpedanà kaw te kenyo pegkeotawun aw megsagman kaw te menge doma niyo.

Filipos 2:3 ပူးပေါင်းရင်းမြစ်များ

Roma 12:10

Tandà te pegpesakop niyo diyà ki Cristo, neinang kaw den iling te telekedowa, aw yan keilangan megpedekelay kaw te pedowan. Keilangan meagka se pedowan te kedita niyo te pegpesegmanay.

Galasya 5:26

Keilangan eked kidon pegpelangkaw-langkaw, eked kidon pegpetompuyusay, aw eked kidon pegpeingaay.

Efeso 5:21

Keilangan megpesegmanay kaw tandà te pegtaking niyo ki Cristo.

Efeso 4:2

Ikà niyo egpelangkaw-langkaw. Keilangan melayat se pedowan niyo diyà te doma otaw tandà te pegpedekelay niyo te pedowan.

1 Pedro 5:5

Sikiyo heman menge kaling otaw, keilangan toloen niyo se menge egpengibing te simbahan. Ikà niyo egpelangkaw-langkaw, meneng keilangan megpedanà se kedita niyo diyà te menge doma niyo, so doen kagi te Timanem insolat te meinang poon te Timanem se otaw egpelangkaw-langkaw, meneng egtebangan din se otaw egpedanà.

Filipos 2:14

Pengkey eden se inangen niyo, ikà niyo egbelisì. Ikà niyo heman egdindil,

Galasya 5:15

Meneng aw megpedindilay aw megbolaw kaw, pekeahà kaw amon eked kebàti se pegsebad te pedowan niyo tomaking ki Jesu Cristo.

1 Timoteo 6:4

yan se otaw olò egpelangkaw-langkaw, aw wedad palos netegahan din. Kolang se ibeg din te pegdindil tepad te kedegdagan te kagi. Yan se kelekatan te peg-ingà, aw pegkeopal, aw pegbaet-baet, aw wedad pegsalig.

Luc. 18:14

Na, penenalan kaw te kagi ko. Peg-olì te iskribinti sìyan, pigwedad den te Timanem se salà din. Meneng se Parisiyo, wedà pegwedadi te Timanem se salà din. Inangen te Timanem medanà se kedita te otaw egpelangkaw-langkaw, meneng inangen din melangkaw se kedita te otaw egpedanà te kandan pegkeotawun.”

Kolasas 3:8

Meneng seini, keilangan tenanan niyo den se kedita te medaet ketanem iling kani. Ikà niyo egkeopal. Ikà niyo egbantak. Ikà niyo egbaet-baet te doma otaw. Ikà niyo eg-ikagi te medaet.

2 Korinto 12:20

Netetana a aw domateng a kidoen kenyo, kitaen ko sikiyo meg-inang te kenà ko ibeg. Aw yan se inangen niyo, inangen ko heman kenyo se kenà niyo ibeg, so segdahen ko sikiyo. Netetana a aw kitaen ko sikiyo megpedindilay, aw megpeingaay, aw megpeopalay, aw megpedemetay kaw. Doen besi heman kitaen ko menge otaw egbaet-baet, aw egbelikbik, aw egpelangkaw-langkaw, aw egsamok.

1 Korinto 3:3

so egtaking kaw pa te medaet ibeg te kenyo pedowan. So doen pa kidoen kenyo egpeingaay aw doen heman egpedindilay, yan se pengilala te egtaking kaw pa te medaet ibeg te kenyo pedowan, iling te doma otaw kenà egtaking te Timanem.

1 Korinto 15:9

Siaken se ontò medanà diyà te kedita te sogounun i Cristo. Eked a peden tewali sogounun i Cristo, so kedengan te wedà a pa pemenal ki Cristo, gayed a egpemilang te menge otaw egpemenal te Timanem.

Roma 13:13

Keilangan tomalag mèpiya se eg-inangen tadon amon metaga-taga se kedita te otaw te wedad medaet mekeyàyà kenitadon. Ikà niyo eg-iling te otaw egsamok, aw eglasing, aw eglayok te kenà kandan esawa, aw metibayi wedad yàyà. Ikà niyo egdindil. Ikà niyo eg-ingà.

Roma 2:8

Meneng doen heman menge otaw egtaking te ibeg te kandan pedowan. Kenà dan egpemenal te kebenalan tepad te Timanem, meneng eg-inang dan te medaet. Yan se otaw ontò ipelumun te Timanem.

Kolasas 3:12

Pinemallì kaw te Timanem, aw sinakop kaw din, aw egkedekelan kaw din te pedowan. Yan keilangan todaen niyo se keogpà niyo, so keilangan megpeidoway kaw, aw meg-inang kaw te mèpiya diyà te doma otaw. Keilangan megpedanà kaw te pegkeotawun niyo. Keilangan medalem se pedowan niyo. Keilangan melayat se pedowan niyo.

1 Pedro 3:8

Nayan, seini pa se ipunù ko kenyo. Keilangan megsebad kaw te aneng-aneng niyo aw pedowan niyo. Keilangan dakel se pedowan niyo te menge doma otaw egpemenal, aw keilangan megpeidoway kaw heman. Keilangan megpedanà kaw te kenyo pegkeotawun.