Filipos 2:2 - Manobo Sarangani

² ontò a meluba aw megsebad kaw te aneng-aneng niyo, aw megpedekelay kaw te pedowan, aw sebad se tod niyo.

Filipos 2:2 ပူးပေါင်းရင်းမြစ်များ

Roma 12:16

Se kedita niyo migpesakop diyà ki Cristo, keilangan megsebad kaw te pedowan. Ikà niyo egpelangkaw-langkaw, meneng mèpiya aw megpeketagad kaw meg-inang te sagkep inang. Ikà niyo eg-aneng-aneng te sikiyo olò se netaga-taga te kebenalan.

1 Korinto 1:10

Menge kedowa ko te pegpemenal, seini se ipunù ko kenyo so insogò a te Pengolo tadon si Jesu Cristo. Pegsebad kaw den amon wedad megpedindilay kidoen kenyo. Pegsebad kaw te aneng-aneng aw pedowan.

2 Korinto 13:11

Na, menge kedowa ko, keluba kaw den. Imendayi niyo se peg-ogpà niyo. Toloi niyo se impunù ko kenyo. Pegsebad kaw te pegpemenal aw pedowan niyo. Domaan kaw te Timanem eglekatan te kedakel aw kelinaw te pedowan.

3 Juan 1:4

Ontò a egkeluba aw egdinegen ko te egtaking te kebenalan se menge batà ko te pegpemenal.

Filipos 2:16

aw yan ipegpetaga-taga niyo kandan se Mèpiya Indan te doen kaling pedowan ibegay te Timanem kandan. Aw yan se eg-inangen niyo, eked a keyàyà te aldaw te peglikò i Cristo, so sikiyo se ipekità ko kandin amon ketegahan din te doen ontong te ininang ko.

Ininang 2:46

Kelikit te aldaw, netipon se kedita dan doton te dakel simbahan te Jerusalem, aw migbelà-belà dan te pan doton te kandan balay. Neluba se pedowan dan te pegsebad dan pegpengaen.

2 Juan 1:4

Ontò neluba se pedowan ko, so kinità ko te doen menge batà no egtaking te kebenalan iling te punù te Timanem Amay diyà kenitadon.

2 Tesalonika 2:13

Menge kedowa day egkedekelan te Pengolo tadon te pedowan, mèpiya aw gayed kay megpesiontong diyà te Timanem tepad kenyo, so lekat te keteboan te keneyonan pinemallì kaw te Timanem amon ipelowà kaw lekat te salà, aw yan se ininang din kenyo pineokit te peglinis te Espiritu Santo kenyo, aw pineokit te pegpemenal niyo te kebenalan.

Kolasas 2:5

Pengkey wedad a doton kenyo, meneng gayed a eg-aneng-aneng kenyo. Neluba a te pegdineg ko te migsebad kaw aw ontò kaw simalig diyà ki Cristo.

Filipos 4:2

Memoyò a kenyo Eyodia aw Sintike te megpelebetay kaw, so telekedowa kaw diyà te Pengolo tadon.

Filipos 2:20

Sikandin olò se doen aneng-aneng kenyo onawa te aneng-aneng ko kenyo, so gayed sikandin eg-aneng-aneng tepad te kèpiyaan te keogpà niyo.

2 Korinto 7:7

Neluba a te pegdateng din dini, meneng labi a pa ontò neluba te peg-indan din kanak te keluba din tepad kenyo. Inindanan a din tepad te pegkelidò te pedowan niyo tandà te medaet ininang niyo kedengan. Doen son din ibeg niyo komità aw megtabang kanak. Pegketaga-taga ko kani, ontò a neluba.

2 Korinto 2:3

Simolat a kenyo kedengan amon tòliden niyo se inang niyo, amon eked a niyo kebegayi te lidò aw domoton a. Sikiyo peden se memegay kanak te luba, so netegahan ko den aw tomolò kaw te insolat ko, yan meluba se kedita tadon.

Ininang 5:12

Medita se kepelahan ininang te menge sogounun i Cristo kinità te doma otaw. Gayed egketipon se otaw egpemenal doton te balkon te simbahan iningedanan Balkon i Solomon.

Ininang 1:14

Melikit dan netipon aw migsebad se pedowan te kedita dan migtawal-tawal diyà te Timanem. Netipon heman kidoen se menge bayi, aw menge kedowa i Jesus, aw inay din si Maria.

Filipos 1:4

Gayed neluba se pedowan ko te kelikit ko egtawal-tawal diyà te Timanem tepad te kedita niyo.

Juan 3:29

Se meama peipiden, yan se tekingan te bayi. Meneng se sigalak te meama peipiden, yan se megtagad kandin aw menenalan heman kandin, aw meluba se pedowan din te pegdineg din te kagi te sigalak din peipiden. Iling a heman kenyan, so nesikop den se keluba te pedowan ko te pegdineg ko te medita se otaw egtaking ki Jesus.

2 Timoteo 1:4

Eg-aneng-aneng a te migkelag ka te pegtanan ko kamno. Ontò ko ibeg te todà ki megkità amon meluba se pedowan ko.

Ininang 2:1

Pegdateng te aldaw te pista iningedanan Pentekostes, netipon se kedita te otaw nemenal ki Jesus doton te sebad balay.

Filemon 1:20

Doun niyan, Elew, keidowi a bag so sakop ki te Pengolo tadon. Tomani se ibeg ko amon meluba se pedowan ko so telekedowa ki tandà te pegpemenal ta ki Cristo.