Filemon 1:6 - Manobo Sarangani

⁶ Egtawal-tawal a te pineokit te pegsebad tadon te pegpemenal, kedogangan se ketaga-taga no tepad te kedita te kèpiya imbegay i Cristo kenitadon tandà te pegpesakop tadon diyà kandin.

Filemon 1:6 ပူးပေါင်းရင်းမြစ်များ

Mat. 25:16

Nayan, se otaw binegayan din te lima melalan, mignigosyo sikandin aw doen gamad din lima melalan.

Mat. 5:16

Iling heman kenyan, keilangan olò mèpiya se inangen niyo, so aw komità se menge doma otaw te mèpiya se eg-inangen niyo, iduyun dan se Amay niyo Timanem doton te langit.”

1 Korinto 14:25

Ipeaneng-aneng kandin se medaet diyà te pedowan din, aw penga niyan tomikelong, aw megsimba te Timanem, aw mikagi sikandin te benal doen Timanem doma niyo.

1 Korinto 16:9

so ontò measeb se otaw dini menenalan te itoladà ko, aw doen pa medita inangen ko, pengkey medita se otaw meibeg megsagda kanak.

Filipos 4:8

Nayan, menge kedowa ko, sebad mendad se ikegiyen ko kenyo. Keilangan wedad palos eneng-enengen niyo singed aw benal iyan, aw doen ontong, aw metòlid, aw wedad salà, aw ikeluba, aw mèpiya dengeg. Pengkey eden se mèpiya, aw mepakay iduyun, yan se keilangan gayed niyo eneng-enengen.

Kolasas 1:9

Yan se doun te gayed kay egtawal-tawal tepad kenyo lekat te pegdineg day tepad kenyo kedengan lamig songkani. Gayed kay egpemoyò diyà te Timanem te ontò kaw metaga-taga aw eden se ibeg din inangen niyo pineokit te kebiyasa ibegay te Espiritu Santo kenyo.

Kolasas 3:10

aw kiminawà kaw den te kaling pegkeotawun doen kaling pedowan imbegay te Timanem, aw gayed din iyan ipegpetilles lamig iling kaw te Timanem, amon ontò kaw metaga-taga te kebenalan tepad kandin.

Tito 3:14

Mèpiya aw meg-iling se menge kedowa tadon doton te keilangan megpekeaseb dan meg-inang te mèpiya, aw megtabang dan te doma otaw ontò nelimahan, amon doen ontong te pegtaking dan te Timanem.

Menge Hebreo 6:10

Ontò metòlid se peg-okom te Timanem, aw yan eked din kelibeli se mèpiya ininang niyo tandà te kedakel te pedowan niyo kandin, so migtabang kaw te menge doma sakop te Timanem, aw yan heman se eg-inangen niyo lamig songkani.

Santiago 2:14

Menge kedowa ko, aw doen otaw mikagi te egpemenal sikandin ki Cristo, meneng wedad mèpiya eg-inangen din, wedad ontong din, so eden din aw nekelowà lekat te salà.

Santiago 2:17

Aw wedad mèpiya eg-inangen te otaw, wedad ontong te pegpemenal din.

1 Pedro 2:12

So tengtengen kaw te menge otaw wedà pa pemenal te Timanem, yan keilangan ontò metòlid se eg-inangen niyo, amon aw mikagi dan te doen salà niyo, metaga-taga dan beling te mèpiya se eg-inangen niyo, aw yan se doun te iduyun dan se Timanem te aldaw te pegdateng din.

1 Pedro 3:1

Sikiyo heman menge bayi doen esawa, keilangan tomolò kaw te kenyo esawa, amon pengkey wedà dan pa tolò te kagi te Timanem, meneng meibeg dan memenal pineokit te pegkità dan te metòlid eg-inangen niyo. Wedad keilangan te mikagi kaw diyà kandan tepad te kagi te Timanem,

1 Pedro 3:16

Meneng aw tomaba kaw kandan, keilangan mèpiya se pedowan niyo kandan, aw keilangan megsagman kaw heman kandan. Keilangan wedad salà inangen niyo, so sakop kaw i Cristo. Yan aw doen otaw megbael-bael tepad kenyo, aw somila dan te mèpiya eg-inangen niyo, meyàyà dan.

2 Pedro 1:8

Aw kidoen kenyo se kedita niyan, doen dakel ontong niyo te pegketaga-taga niyo te Pengolo tadon si Jesu Cristo.