Filemon 1:24 - Manobo Sarangani

²⁴ Iling heman kenyan se inikagi te menge doma otaw egtelaban kanak dini, si Marcos, si Aristarco, si Demas, aw si Lucas.

Filemon 1:24 ပူးပေါင်းရင်းမြစ်များ

Ininang 12:12

Pegkeaneng-aneng i Pedro kenyan, dimoton sikandin te balay i Maria, sìyan inay i Juan, se doma ngadan din si Marcos. Tapay netipon se medita otaw kidoen amon megtawal-tawal dan diyà te Timanem tepad kandin.

Ininang 12:25

Pegkepenga dan i Bernabe aw si Saulo minated te bowang doton te Jerusalem, minolì dan doton te Antyokya. Impetaking dan si Juan, se doma ngadan din si Marcos.

Ininang 13:13

Penga niyan, simakay si Pablo aw menge doma din te dakel belangay lekat te Papos pesalo doton te Pampilya. Dimeleg dan doton te Perga. Meneng simoway si Juan kandan so minolì doton te Jerusalem.

Ininang 19:29

Nesamok se kedita te otaw eg-ogpà kidoen. Inewidan dan se otaw timaking ki Pablo lekat te Masidonya si Gayo aw si Aristarco. Intolod dan doton te tiponanan te otaw.

Ininang 27:2

Timaking heman kenami si Aristarco tege Tesalonika sakop te Masidonya. Doen dakel belangay dimateng lekat te Adramito megpesalo doton te menge lonsod te Asya, aw yan se sinekayan day lekat te Sesarya.

2 Korinto 8:23

Na, si Tito, sikandin se doma ko megtoladà kenyo. Sìyan didowa otaw domoma kandin, yan se insogò te menge doma tadon nemenal ki Cristo. Iduyun tadon si Cristo pineokit te inang dan.

Filipos 2:25

Nayan, mig-aneng-aneng a den te mèpiya aw ipeolì ko si Epafrodito doton kenyo. Iling sikandin te kedowa ko, aw migtelaban kanak migtoladà tepad ki Cristo, aw egtolò heman te Pengolo tadon iling te pegtolò te sondalo. Insogò niyo sikandin dini amon megtabang kanak.

Filipos 4:3

Memoyò a heman kamno ontò sigalak ko te keilangan megtabang ka te didowa bayi sìyan amon megsebad dan, so ontò dan migtelaban kanak te pegtoladà ko te Mèpiya Indan tepad ki Cristo. Migpedomaay dan si Clemente aw menge doma otaw migtelaban kanak. Insolat se ngadan te menge otaw sìyan kidoen te libro sinolatan te ngadan te kedita te otaw binegayan te kaling pedowan wedad temanan.

Kolasas 4:10

Kineleboso heman doma ko si Aristarco, aw ibeg din ketegahan niyo te eg-aneng-aneng sikandin kenyo. Onawa heman kenyan se kagi i Marcos, sìyan kedowa i Bernabe. Aw domateng sikandin doton kenyo, pegsagman kaw kandin iling te tapay impunù ko kenyo.

Kolasas 4:14

Se doktor si Lucas egkedekelan tadon te pedowan, aw si Demas, ibeg dan metaga-taga kaw te eg-aneng-aneng dan heman kenyo.

1 Pedro 5:13

Eg-eneng-enengen kaw te kedita te otaw pinemallì te Timanem aw migpesakop diyà kandin dini te lonsod te Babilonya. Eg-aneng-aneng heman si Marcos kenyo. Iling sikandin te batà ko.

3 Juan 1:8

Yan keilangan sikitadon egpemenal se menogpò te otaw egtoladà amon meketabang kidon te pegtoladà dan te kebenalan.